انٹرنیشنل ڈیسک:  امریکہ کے صدر ڈونالڈ ٹرمپ نے ایران میں حکومت مخالف مظاہرے کرنے والے لوگوں کے بارے میں بڑا بیان دیا ہے۔ انہوں نے صاف کہا ہے کہ ایران کے عوام کی مدد کے لیے امریکہ آگے بڑھ رہا ہے اور مظاہرین کو پیچھے نہ ہٹنے کا مشورہ دیا ہے۔
ایرانی عوام کے نام ٹرمپ کا براہ راست پیغام
ڈونالڈ ٹرمپ نے اپنے سوشل میڈیا پلیٹ فارم ٹروتھ سوشل پر ایرانی عوام کے لیے ایک سخت اور جذباتی پیغام جاری کیا۔
انہوں نے لکھاکہ '  ایرانی محب وطنو، مظاہرے جاری رکھو، اپنے اداروں پر قبضہ کرو۔ جو لوگ قتل اور ظلم کر رہے ہیں ان کے نام نوٹ کرو۔ انہیں اس کی بھاری قیمت چکانی پڑے گی۔ مدد راستے میں ہے'۔

امریکہ کی کھلی حمایت
اس بیان سے واضح ہو گیا ہے کہ امریکہ ایران کی موجودہ حکومت کے خلاف کھڑا ہے اور مظاہرین کی کھلے عام حمایت کر رہا ہے۔ ٹرمپ اس سے پہلے بھی کئی بار کہہ چکے ہیں کہ ایران میں ہونے والے تشدد کو امریکہ برداشت نہیں کرے گا اور وہاں کے عوام کو آزادی کا حق حاصل ہے۔
کیوں بھڑکا ہے ایران 
ایران میں مہنگائی، بے روزگاری، مذہبی سختی اور آمرانہ حکومت کے خلاف ملک بھر میں بڑے پیمانے پر تحریک چل رہی ہے۔ حکومت پر الزام ہے کہ اس نے مظاہرین پر گولیاں چلائیں، ہزاروں لوگوں کو گرفتار کیا اور سینکڑوں کو مار دیا۔ اسی وجہ سے امریکہ اور مغربی ممالک ایران پر مسلسل دباؤ ڈال رہے ہیں۔
دنیا کے لیے بڑا خطرہ
ٹرمپ کا یہ بیان ایسے وقت میں آیا ہے جب امریکہ اور ایران کے تعلقات انتہائی خراب ہیں، امریکی فوج ہائی الرٹ پر ہے اور مشرق وسطی میں جنگ کا خطرہ بڑھ رہا ہے۔ ٹرمپ کا ' ہیلپ اِز آن دی وے ' کہنا اس بات کا اشارہ دیتا ہے کہ امریکہ صرف بیانات تک محدود نہیں بلکہ کسی بڑی کارروائی کی تیاری میں بھی ہو سکتا ہے۔