انٹرنیشنل ڈیسک :   برازیل میں ایک انتہائی افسوسناک واقعہ سامنے آیا ہے۔ یہاں، ریو ڈو سُل کے ایک ہسپتال میں سی ٹی ا سکین کروا رہی  22 سالہ خاتون وکیل لیٹیسیا پال  کی اچانک موت ہوگئی ۔ رپورٹ کے مطابق پال کو شدید الرجی کی وجہ سے اینا فلیکٹک(anaphylactic )شاک  ( جھٹکا )  لگا اور تمام تر کوششوں کے باوجود ڈاکٹر اسے بچا نہ سکے۔
anaphylactic  شاک (جھٹکا ) کیا ہے؟
رپورٹ کے مطابق، anaphylactic جھٹکا ایک اچانک، شدید اور جان لیوا الرجک ردعمل ہے۔ اس کی علامات میں سانس لینے میں دشواری، گلے میں سوجن اور بلڈ پریشر میں اچانک کمی شامل ہیں۔ لیٹیسیا پال کی چاچی سینڈرا پال نے بتایا کہ لیٹیسیا کو گردے میں پتھری ہے اور وہ معمول کے چیک اپ کے لیے ہسپتال گئی تھیں۔ وہ قانون اور رئیل اسٹیٹ میں پوسٹ گریجویشن کر رہی تھی اور اس کے بڑے خواب تھے۔
سی ٹی اسکین میں کیوں ہوتی ہے مہلک الرجی ؟
نیشنل لائبریری آف میڈیسن کے مطابق،  سی ٹی اسکین، ایم آر آئی اور ایکس رے میں اعضا اور  جوڑوں کی تصویروں کو صاف کرنے کے لیے  آئوڈین پر مشتمل کنٹراسٹ ڈائی کا استعمال کیا جاتا ہے۔ یہ ڈائی زیادہ تر محفوظ ہوتی ہے، لیکن 5,000 سے 10,000 مریضوں میں سے ایک کو شدید الرجک ردعمل ہو سکتا ہے جو جان لیوا ہو سکتا ہے۔
ریڈیولاجی کے ماہر ڈاکٹر موریلو یوجینیو اولیویرا نے بھی تسلیم کیا کہ یہ کنٹراسٹ ایجنٹ عام طور پر محفوظ ہیں اور الرجک رد عمل بہت کم ہوتے ہیں۔ ہسپتال کے گروپ نے واقعے کی تحقیقات کا آغاز کیا ہے اور صحت کی دیکھ بھال کے تحفظ کے لیے اپنے عزم کا اعادہ کیا ہے۔