گورداسپور/امرتسر: سیلاب کے امکان کے پیش نظر پنجاب کے اسکولوں میں 30 اگست تک تعطیل کا اعلان کیا گیا ہے۔ دریں اثناء بیاس اور اجنالہ کے سرحدی علاقے میں بہنے والے دریائے راوی میں مسلسل پانی کے پیش نظر امرتسر کی ضلع انتظامیہ نے 27 اگست کو تمام کالج بند رکھنے کا اعلان کیا ہے۔ امرتسر کے ساتھ ضلع گورداسپور میں بھی گو ضلع مجسٹریٹ نے بدھ کے روز 27 اگست کو ضلع کے تمام کالجوں اور دیگر تعلیمی اداروں میں بھی تعطیل کا اعلان کیا ہے۔ ۔
امرتسر ضلع کی بات کریں تو اب تک دریائے بیاس یا راوی ندی سے کوئی نقصان نہیں ہوا ہے لیکن ہماچل اور جموں و کشمیر میں شدید بارش اور بادل پھٹنے کے واقعات کے بعد پانی کی سطح بڑھ رہی ہے۔ انتظامیہ نے حساس دیہات میں اعلانات بھی شروع کر دیے ہیں۔ لوگوں سے محفوظ مقامات پر جانے کی اپیل کی جا رہی ہے۔ انتظامیہ کی ٹیم جس میں ڈپٹی کمشنر ساکشی ساہنی اور اے ڈی سی روہت گپتا کے ساتھ دیگر انتظامی افسران، پولیس افسران اور مختلف محکموں کی ٹیمیں شامل ہیں، گزشتہ دو دنوں سے دن رات صورتحال پر گہری نظر رکھے ہوئے ہیں اور 24 گھنٹے کام کر رہی ہیں۔