نئی دہلی:چیف آف ڈیفنس اسٹاف (سی ڈی ایس) جنرل انل چوہان نے منگل کو مستقبل کی جنگوں میں فتح کو یقینی بنانے کے لیے تمام علاقوں میں فوری اور فیصلہ کن مشترکہ ردعمل کی اپیل کی جنرل چوہان مدھیہ پردیش کے ڈاکٹر امبیڈکر نگر میں واقع آرمی وار کالج میں 'جنگ پر ٹیکنالوجی کے اثرات' کے موضوع پر جنگ، جنگ کا فن اور جنگی آپریشنز پر اپنی نوعیت کے پہلے دو روزہ سیمینار سے خطاب کر رہے تھے ا نہوں نے آپریشنل صلاحیتوں کو بڑھانے کے لیے مشترکہ تربیت کو ادارہ جاتی بنانے، مصنوعی ذہانت، سائبر اور کوانٹم جیسی مسلسل ابھرتی ہوئی ٹیکنالوجیز کو اپنانے کی ضرورت پر زور دیا۔ ایک مضبوط سول ملٹری انضمام کے لیے، انہوں نے ملک کے لئے ایک سدرشن چکر (ہندوستان کا اپنا لوہے کا گنبد) تیار کرنے کی اہمیت اور عزم پر زور دیا جو 'ڈھال اور تلوار' دونوں کا کام کرے گا۔ انہوں نے کہا کہ مستقبل کی جنگوں میں فتح حاصل کر کے لیے متنوع شعبوں میں صلاحیتوں کی ترقی ضروری ہے۔
عظیم مفکر کوٹیلیہ کا حوالہ دیتے ہوئے جنرل چوہان نے کہا کہ ہندوستان قدیم زمانے سے ہی خیالات اور علم کا ذریعہ رہا ہے، تاہم ہندوستانی جنگوں کے مناسب تجزیہ یا حکمت عملی پر علمی بحث کے لیے بہت کم لٹریچر دستیاب ہے۔
انہوں نے کہا، "جنگ، قیادت، تحریک، حوصلے اور ٹیکنالوجی پر مختلف جہتوں پر سنجیدہ تحقیق کی ضرورت ہے۔ ہندوستان کو مضبوط، محفوظ، خود انحصار اور ترقی یافتہ بنانا ہے۔ یہ تبھی ممکن ہے جب تمام اسٹیک ہولڈرز مل کر مستقبل کے لیے تیار فوج بنانے کے عمل میں حصہ لیں۔سی ڈی ایس نے مزید کہا کہ رن سمواد کا مقصد حقیقی پریکٹیشنرز، خاص طور پر نوجوان اور درمیانی درجے کے افسران کے لیے ایک جگہ بنانا ہے، جو تکنیکی ترقی سے واقف ہیں۔