بیجنگ: چین کے جنوبی شہر کنمنگ کے ایک نجی اسکول میں اکتوبر 2024 کی شروعات میں  فوڈ سیفٹی کے حوالے سے ایک بڑا اسکینڈل سامنے آیا تھا۔ صوبہ یونان کے چانگ فینگ مڈل اسکول  میں کئی طلباء  پیٹ میں درد اور ہاضمے کے مسائل کی شکایت ہونے لگی ہے ۔  پہلے تو اسے ایک عام موسمی بیماری سمجھا گیا ، لیکن جلد ہی پتہ چلا کہ اس مسئلے کا تعلق اسکول کی کینٹین میں پیش کیے جانے والے کھانے سے ہے۔ ایک والدین نے اسکول کے کچن کا معائنہ کیا اور انہیں خراب، بدبودار گوشت ملا جو بچوں کو پیش کیا جانے والا تھا۔ گوشت کی تصاویر والدین کے WeChat گروپ میں وائرل ہوئیں، جس سے غم و غصہ پھیل گیا۔ اس واقعے کو "سڑا ہوا گوشت کا نڈ '  کہا جارہا ہے اور یہ  قومی سطح پر بحث کا موضوع بن گیا۔
جب والدین نے اس معاملے پر اسکول انتظامیہ سے سوالات کئے  تو انہیں نظر انداز کردیا گیا۔ والدین زبردستی کینٹین میں داخل ہوئے اور دیکھا کہ برازیل سے درآمد شدہ گوشت کا ایک پیکٹ ہے جس پر "2015" لکھا ہوا ہے۔ یہ دیکھ کر والدین نے اسے زومبی میٹ کہا۔ بعد میں پتہ چلا کہ یہ تاریخ گوشت کی کوالٹی سرٹیفیکیشن سے متعلق تھی، نہ کہ اس کی پیداوار یا میعاد ختم ہونے سے۔ اسکول انتظامیہ نے ذمہ داری لینے کے بجائے کچن کے ایک ملازم پر الزام لگایا اور اسے عوامی معافی مانگنے پر مجبور کردیا۔ سکول کے وائس پرنسپل نے والدین کے سامنے ہلکی سی مسکراہٹ کے ساتھ کھڑے ہو کر معاملے کو ٹالنے کی کوشش کی جبکہ سکول کے چیئرمین میٹنگ سے چلے گئے۔
مقامی انتظامیہ نے 16 اکتوبر کو تحقیقات کا آغاز کیا۔ رپورٹ میں انکشاف کیا گیا کہ گوشت کے خراب ہونے کی وجہ اس کا غلط استعمال تھا۔ اسے گھنٹوں تک پلاسٹک کے تھیلوں میں رکھا جاتا تھا اور پھر ٹھنڈے  ٹرانسپورٹ کے نارمل درجہ حرارت پر چھوڑ دیا  گیا ۔ تحقیقات میں یہ بات بھی سامنے آئی کہ اسکول کینٹین چلانے والی کمپنی کے پاس ضروری لائسنس نہیں تھا۔ یہ  کمپنی  سالانہ  400,000500,000 یوآن ($55,000$70,000) سالانہ فیس وصول کی، جب کہ اسکول نے فی طالب علم 26,000 یوآن ($3,600) ٹیوشن میں اور 14 یوآن ($2) فی کھانا وصول کرتا تھا ۔ 
تحقیقات کے بعد سکول کے تین اہلکاروں کو معطل کر دیا گیا اور پرنسپل اور قانونی نمائندے کو ہٹا دیا گیا۔ اسکول پر 100,000 یوآن ($13,700) جرمانہ عائد کیا گیا۔ کینٹین چلانے والی کمپنی کو بند کر دیا گیا اور 5.78 ملین یوآن ($795,000) جرمانہ اور ناجائز منافع میں 460,000 یوآن ($63,000) ضبط کر لیے گئے۔ پھر بھی، والدین کا کہنا ہے کہ کارروائی کافی نہیں ہے۔ ان کا خیال ہے کہ اسکول نے اس مسئلے کی جڑ تک پہنچنے کے بجائے اسے دبانے کی کوشش کی۔