انٹرنیشنل ڈیسک: پاکستان سپر لیگ (پی ایس ایل 2025) کے سیزن 10 میں منگل کو ایک ایسا منظر دیکھنے کو ملا جس نے مداحوں کو چونکا دیا اور سوشل میڈیا کو ہنسی سے بھر دیا ۔ ملتان سلطانز اور لاہور قلندرز کے درمیان کھیلے گئے اس میچ میں بولر عبید شاہ کا جشن ایسا عجیب نکلا کہ ان کے ساتھی عثمان خان سیدھے زمین پر گر پڑے۔ اس واقعے کی ویڈیو وائرل ہوئی اور یہ "تھپڑ کانڈ'  کے نام سے  سرخیو ںمیں آگیا ۔
وکٹ گر ا، کھلاڑی گرا، ویڈیو وائرل
میچ کے دوران جب لاہور قلندرز کے خطرناک بلے باز سیم بلنگز کو آؤٹ کیا گیا  تو ملتان کی ٹیم میں خوشی کی لہر دوڑ گئی۔ جیسے ہی بالر عبید شاہ نے وکٹ حاصل کی،انہو ںنے  وکٹ کیپر عثمان خان کو ہائی فائیو دینے کے بجائے غلطی سے ایسا تھپڑ جڑ دیا  کہ وہ سیدھے زمین پر گر گئے۔ یہ واقعہ اور بھی مزاحیہ ہو گیا کیونکہ یہ غصے سے نہیں بلکہ جوش میں پیش آیا۔ کیچ لینے والے کامران غلام کی تعریف کرتے ہوئے عبید اتنا پرجوش ہو گئے کہ بھول گئے کہ ان کے سامنے کون ہے۔
پی ایس ایل 2025 کا 'تھپڑ کا واقعہ'  بنا سوشل میڈیا سنسیشن 
واقعے کی ویڈیو کچھ ہی دیر میں انٹرنیٹ پر وائرل ہوگئی اور لوگوں نے اس پر میمز بنانا شروع کردیا۔ کچھ لوگوں نے مذاق اڑایا کہ عبید شاہ نے جشن  کے چکر میں "ناک آؤٹ پنچ"  دے دیا۔ اس کے ساتھ ہی بہت سے کرکٹ شائقین نے اسے پی ایس ایل کا سب سے پر لطف لمحہ قرار دیا۔
بلنگز کی وکٹ ٹرننگ پوائنٹ بنی 
سیم بلنگز اس وقت شاندار بلے بازی کر رہے تھے۔ انہوں نے 23 گیندوں پر 43 رنز بنائے جس میں چار چھکے اور دو چوکے شامل تھے۔ اگر وہ تھوڑی دیر ٹھہرتے تو شاید لاہور کی جیت کی امید پیدا ہو سکتی تھی۔ لیکن ان کے آؤٹ ہوتے ہی میچ کا رخ بدل گیا اور ملتان سلطانز نے 33 رنز سے بڑی جیت درج کی۔
عبید شاہ کی شاندار بالنگ فتح کی وجہ بنی
 حالانکہ  عبید کو تھپڑ کے واقعے کی وجہ سے ٹرول کیا جا رہا ہے لیکن ان کی بولنگ کو کسی بھی طرح ہلکا نہیں لیا جا سکتا۔ انہوں نے 4 اوورز میں 37 رنز دے کر تین بڑی وکٹیں حاصل کیں۔ بلنگز کے علاوہ انہوں نے لاہور کے دو اہم بلے بازوں فخر زمان اور ڈیرل مچل کو پویلین بھیجا۔ اگر یہ دونوں بلے باز آخر تک ڈٹے رہتے تو شاید نتیجہ کچھ اور ہوتا۔ لیکن عبید نے اپنے درست یارکرز اور لینتھ گیندوں سے اپوزیشن کی کمر توڑ دی۔
میچ کے بعد کھلاڑیوں نے کیا کہا؟
تاہم تھپڑ پر کوئی تنازعہ نہیں ہوا کیونکہ یہ واقعہ جان بوجھ کر نہیں بلکہ جوش و خروش سے پیش آیا۔ اسے ٹیم کے اندر ایک مذاق کے طور پر بھی لیا گیا۔ میچ کے بعد عثمان خان خود بھی مسکراتے ہوئے نظر آئے اور کہا کہ تھپڑ زوردار تھا لیکن پیار بھرا تھا!
پی ایس ایل 10  :  اب تک کا سب سے یادگار لمحہ؟
پی ایس ایل کے ہر سیزن میں کوئی نہ کوئی بات ہوتی ہے جو موضوع بحث بن جاتی ہے۔ اس بار کا 'تھپڑ کانڈ ' یقینا پی ایس ایل 10 کے دلچسپ ترین لمحات میں شمار کیا جائے گا۔ کرکٹ میں جذبات اکثر میدان پر حاوی ہوجاتے ہیں ، لیکن جب وہ اس طرح تفریح فراہم کرتے ہیں تو کھیل کا مزہ دوبالا ہو جاتا ہے۔