نئ دہلی :شمال مشرقی دہلی تشدد میں مارے گئے آئی بی افسر انکت شرما کی پو سٹمارٹم رپورٹ میں کئی حیران کرنے والے خلاصے ہوئے ہیں۔رپورٹ کے مطابق انکت کے جسم پر کل 51چوٹوں کی نشانات میں سے 12چاقو سے گودنے کے نشانات ہیں ،جو تھائی ، پیر ، چیسٹ سمیت جسم کے پچھلے حصوں میں ہیں۔ یہ چاقو سے وار کے گہرے نشانات ہیں ۔6کٹ کے اورسکریچ کے نشان تھے ۔ باقی 33چوٹ کے نشان تھے جس میں راڈ اور ڈنڈے جیسے بھاری سامان سے انکت کے سر اورجسم پر وار کیا گیا تھا۔
موت کی وجہ صدمہ ہے جو پھیپھڑوں اور دماغ میں چوٹ لگنے کی وجہ سے خون بہنے کی وجہ سے ہوا ۔کچھ چوٹیں دھار دار ہتھیار سے آئی تھیں ۔ایک چوٹ بھاری کاٹنے والے ہتھیار سے آئی تھی ، موت سے پہلے سبھی چوٹیں تازہ تھی ۔ رپورٹ کے مطابق جسم پر زیادہ تر ریڈ، پرپل ، بلو کلر کے مارک ملے ہیں ۔ان میں زیادہ تر تھائی اور کندھے پر تھے۔
اس سے پہلے ، انکت شرما کے جسم پر چوٹ کے قریب 400نشانات بتائے جا رہے تھے ۔ آئی بی کانسٹیبل انکت شرما ، شمال مشرقی دہلی میں اپنے خاندان کے ساتھ رہتے تھے ۔ تشدد کے دوران ان پر چاقو سے حملہ کیا گیا تھا ۔ انکت کی موت چاقو لگنے اور بری طرح سے پیٹے جانے سے ہوئی تھی ۔انکت شرما کی لاش 26فروری کو چاند باغ میں نالے سے ملی تھی ۔
قتل سے پہلے اتارے گئے تھے انکت شرما کے کپڑے ، پھر تابڑ توڑ چاقو مارے
وہی دہلی پولیس کی سپیشل سیل نے گزشتہ ماہ قومی دارالحکومت کے شمال مشرقی ضلعے میں ہوئے تشدد کے دوران خفیہ بیورو (آئی بی)کے ملازم انکت شرما کے قتل کے متعلق میں ایک شخص کو پکڑا ہے ۔ پولیس نے بتایا کہ ملزم کی شناخت سلمان عرف ننھے کے طور پر ہوئی ہے۔ملزم سلمان نے انکت شرما کے قتل کو لے کر کئی بڑے خلاصے کئے ہیں ۔ پولیس کے مطابق سلمان نے قبول کیا ہے کہ اس نے چاندباغ پلیا پر انکت کے جسم پر چاقو سے وار کئے تھے اور پھر لاش کو نالے میں پھینک دیا تھا۔