نیشنل ڈیسک:  ہندوستانی  فوج کی سینئر افسر کرنل صوفیہ قریشی کو اس بار یومِ جمہوریہ پر بڑا اور باوقار اعزاز ملنے جا رہا ہے۔ 77ویں یومِ جمہوریہ کی پیشگی شام جاری کیے گئے بہادری کے اعزازات کی فہرست میں ان کا نام شامل کیا گیا ہے۔ انہیں 'وشِشٹ سیوا میڈل'  (VSM) دیا جانے کا اعلان کیا گیا ہے۔ یہ اعزاز انہیں غیر معمولی اور نمایاں خدمات کے لیے دیا جا رہا ہے۔
آپریشن سندور کی بنی تھیں نمایاں چہرہ
جب آپریشن سندور کو انجام دیا گیا تو خارجہ سکریٹری وکرم مسری کے ابتدائی بیان کے بعد کرنل صوفیہ قریشی نے ہی دنیا کے سامنے اس آپریشن کی مکمل جانکاری پیش کی تھی۔ انہوں نے ہندوستانی فضائیہ کی ونگ کمانڈر ویومی سنگھ کے ساتھ مل کر پریس بریفنگ کی تھی۔ اس دوران ان کی نپی تلی زبان، واضح اور درست معلومات اور پرسکون مگر مضبوط شخصیت نے بین الاقوامی میڈیا کی خاص توجہ حاصل کی تھی۔
فوجی خاندان میں پیدائش، تعلیم میں بھی اول 
کرنل صوفیہ قریشی کی پیدائش 1974 میں گجرات کے وڈودرا میں ایک فوجی خاندان میں ہوئی۔ ان کے دادا ہندوستانی فوج میں مذہبی استاد تھے۔ سال 1997 میں انہوں نے مہاراجا سیاجی را ؤ یونیورسٹی سے بایو کیمسٹری میں ماسٹرز ڈگری حاصل کی۔ اس کے بعد انہوں نے آفیسرز ٹریننگ اکیڈمی چنئی سے کمیشن حاصل کیا۔ تربیت کے دوران ہی وہ ٹیکٹیکل حکمتِ عملی اور سگنل انٹیلی جنس میں شاندار کارکردگی کے لیے پہچانی جانے لگیں۔
2016 میں تاریخ رقم کی: پہلی خاتون کمانڈر
کرنل صوفیہ قریشی ہندوستانی فوج کی پہلی خاتون افسر ہیں جنہوں نے کسی کثیر ملکی فوجی مشق میں ہندوستانی  دستے کی قیادت کی۔ سال 2016 میں 'ایکسرسائز فورس 18 ' کے دوران، جس میں کئی آسیان ممالک شامل تھے، انہوں نے 40 رکنی ہندوستانی  دستے کی کمان سنبھالی۔
آپریشن پرکرم میں اہم کردار
دسمبر 2001 میں پارلیمنٹ پر حملے کے بعد ہندوستان  پاکستان سرحد پر کشیدگی بڑھ گئی تھی۔ اس وقت پنجاب بارڈر پر چلائے گئے آپریشن پرکرم میں کرنل صوفیہ قریشی نے اہم کردار ادا کیا۔ اس خدمت کے لیے انہیں جی او سی اِن چیف کا کمنڈیشن کارڈ بھی ملا تھا۔
سیلاب راحت اور اقوامِ متحدہ مشن
شمال مشرقی ہندوستانی میں سیلاب راحت کاموں کے دوران مواصلاتی نظام سنبھالنے پر ان کی ستائش کی گئی۔ سال 2006 سے چھ سال تک انہوں نے کانگو میں اقوامِ متحدہ کے امن مشن میں خدمات انجام دیں۔ اس تجربے کے بارے میں وہ کہتی ہیں کہ تنازعہ زدہ علاقوں میں امن قائم کرنے کی کوشش کرنا میرے لیے فخر کی بات رہی ہے۔
یومِ جمہوریہ 2026  : مجموعی طور پر 301 فوجی اعزازات
صدر دروپدی مرمو نے 77ویں یومِ جمہوریہ کی پیشگی شام مسلح افواج کے لیے مجموعی طور پر 301 فوجی اعزازات کی منظوری دی ہے۔ ان میں شامل ہیں۔
30 پرم وشِشٹ سیوا میڈل (PVSM) ۔
4 اتم یدھ سیوا میڈل (UYSM)۔
56 اتی وشِشٹ سیوا میڈل (AVSM)۔
135 وشِشٹ سیوا میڈل(VSM)، جن میں کرنل صوفیہ قریشی بھی شامل ہیں۔
خواتین قیادت کی مضبوط مثال
کرنل صوفیہ قریشی کو ملنے والا یہ اعزاز صرف ان کی ذاتی کامیابی نہیں ہے بلکہ یہ ہندوستانی فوج میں خاتون افسروں کے بڑھتے ہوئے کردار، قیادت کی صلاحیت اور اعتماد کی بھی علامت ہے۔