فروخ آباد : سی اے اے کی مخالفت  پر ضلع اور پورے ملک میں ہوئے بوال  کے بعد ملک کے سابق وزیر خارجہ اور فروخ آباد کے سابق ایم پی سلمان خورشید نے ضلع میں اپنی دستک دی دی ہے ۔ انہوں نے میڈیا سے بات چیت میں کہا کہ بھاجپا سی اے اے لانے کے بعد اب گھر گھر جاکر لوگوں کو بیدار کرنے کی تیاری کررہی ہے لیکن انہیں گھر گھر جانے کی ضرورت نہیں ہے ۔ ان کے لیڈر میرے ساتھ کرسی لگا کر بحث کرلیں ۔ جو آمنے سامنے بات نہیں کرتے وہی گھر گھر جاتے ہیں ۔ 

بتا دیں کہ سابق وزیر خارجہ سلمان خورشید نے بات چیت کے دوران کہا کہ ہم سبھی کو اپنے زندگی کا فیصلہ لینے کا حق ہے ۔ جسے ہم وقت وقت پر لیتے بھی ہیں ۔ ان فیصلوں میں تبدیلی بھی ہوتی ہے لیکن آپ کو فیصلہ لینے کا حق نہیں ہے ۔ فیصلہ صرف انتخابات کے وقت نہیں لیا جاتا ہے ۔ فیصلہ پانچ  سال میں کبھی بھی بدل سکتے ہیں ۔  جو نوجوان آج نکل رہے اور یہ کہہ رہے ہیں کہ ہم آپ کی اس پالیسی سے مطمئن نہیں ہے ۔ اس پالیسی سے مطمئن نہ ہونے پر وہ کہاں جائیں اور اپنے ایم پی سے کہیں  اور لوک سبھا میں اپنی بات پہنچائے یا پھر سڑک پر مظاہرہ کریں ۔