نیشنل ڈیسک: اپنے پیار کوپانے کے لئے پاکستان گئی انجو کے دل میں آج بھی بھارت کے لیے محبت ہے۔ جی ہاں، پاکستان میں بیٹھی انجو کو 15 اگست (بھارتی یوم آزادی) پر بھارت یاد آیا۔ انجو نے حب الوطنی کے گانے پر ویڈیو بنائی ہے جو وائرل ہو رہی ہے۔ جب سے انجو نصراللہ کے پاس پاکستان گئی ہیں، تب سے ان کی نئی نئی ویڈیوز منظر عام پر آ رہی ہیں۔ انجو صرف اپنے ویڈیوز کو لے کر کافی بحث میں ہیں۔ انجو کا ایک اور ویڈیو سوشل میڈیا پر وائرل ہو رہا ہے۔ نئی ویڈیو میں انجو حب الوطنی پر مبنی گانے یہ دنیا ایک دلہن پر رقص کرتی نظر آ رہی ہیں۔ انجو نے اپنے گالوں پر بھی ا ترنگا بنوایاہے۔

https://www.instagram.com/reel/Cv_z9imN2qh/?utm_source=ig_web_button_share_sheet
پاکستان کے یوم آزادی کی تقریب میں کی شرکت۔
انجو نے 14 اگست کو پاکستان کے یوم آزادی کی تقریب میں شرکت کی۔ اس موقع پر انجو کو کئی لوگوں کے ساتھ جشن مناتے اور کیک کاٹتے دیکھا گیا۔ پاکستان میں میڈیا سے بات کرتے ہوئے انجو نے کہا کہ وہ بھارت کی بیٹی ہیں۔ وہ انڈیا میں پیدا ہوئی تھی اور وہ ضرور انڈیا جائے گی۔ ہندوستان بہت خوبصورت ہے۔
بتایا جا رہا ہے کہ انجو کے ویزے میں توسیع کر دی گئی ہے، حالانکہ ویزے کی مدت میں کتنی توسیع کی گئی ہے، ابھی تک سرکاری دستاویز سامنے نہیں آئی ہے۔ بتادیں کہ راجستھان کے بھیواڑی کی رہنے والی انجو اپنے دو بچوں اور شوہر کو چھوڑ کر گزشتہ ماہ اپنے عاشق نصراللہ کے ساتھ پاکستان چلی گئی تھی۔ انجو نے پاکستان جانے کے بعد اسلام قبول کیا اور نصراللہ سے شادی کر لی تھی۔

،