اسلام آباد: پاکستان کے وزیر دفاع خواجہ آصف اپنے عجیب و غریب اور شرمناک بیانات کے باعث ایک بار پھر بین الاقوامی اسٹیج پر ہنسی مذاق کا نشانہ بن گئے۔ جمعہ کو پاکستان کی قومی اسمبلی میں اظہار خیال کرتے ہوئے انہوں نے کہا کہ جب بھارت نے پاکستانی شہروں پر ڈرون حملے کیے تو پاکستانی فوج نے جان بوجھ کر فضائی دفاعی نظام استعمال نہیں کیا تاکہ ان کی فوجی تعیناتیوں کی جگہ سامنے نہ آئے۔ 

https://x.com/OsintUpdates/status/1920755712323473875
پاکستانی وزیر دفاع کا شرمناک بیان
پاکستانی وزیر دفاع خواجہ آصف نے کہا کہ ہم نے بھارتی ڈرون کو اس لیے نہیں روکا کیونکہ ہم اپنا مقام لیک نہیں کرنا چاہتے تھے۔ ان کے اس بیان کے بعد سوشل میڈیا پر ان کا مذاق اڑایا جا رہا ہے اور بھارت اور بیرون ممالک کے ماہرین اسے پاکستان کی کمزور فوجی حکمت عملی اور اس کے دفاع میں دی گئی ایک مضحکہ خیز وضاحت قرار دے رہے ہیں۔
مدرسوں کو بتایادوسری فوج
خواجہ آصف نے اپنے بیان میں یہ بھی کہا کہ مدارس کے طلبا پاکستان کی دوسری دفاعی لائن ہیں، ضرورت پڑنے پر انہیں استعمال کیا جائے گا۔ اس بیان نے ایک بار پھر دہشت گردی سے متعلق پاکستان کے امیج پر منفی روشنی ڈالی ہے۔
وزیر دفاع کے اس بیان پر سوشل میڈیا پر زبردست ردعمل سامنے آیا۔

• ایک صارف نے لکھا کہ کیا خواجہ آصف کو ہیک کر لیا گیا ہے؟
• ایک اور صارف نے تبصرہ کیا -یہ بیان بہت ساری سطحوں پر مضحکہ خیز ہے۔

بھارت کا جواب
بی جے پی کے ترجمان پردیپ بھنڈاری نے اس بیان پر طنز کرتے ہوئے کہا کہ جب ہندوستانی میزائلوں نے حملہ کیا تو آپ کے میزائل ڈیفنس کی جگہ کا انکشاف ہوا اور وہ بھی آپ کی مرضی سے نہیں بلکہ ہندوستان کی درستگی کی وجہ سے۔ 
سی این این انٹرویو میں بھی ہوئےشرمندہ 
بھارت کے آپریشن سندور کے اگلے ہی دن سی این این کے اینکر بیکی اینڈرسن نے خواجہ آصف کی اس وقت ہوا نکال دی جب انہوں نے دعویٰ کیا کہ پاکستان نے 5 بھارتی رافیل لڑاکا طیارے مار گرائے ہیں۔ جب ثبوت مانگا گیا تو انہوںنے کہایہ تمام معلومات ہندوستانی سوشل میڈیا پر ہیں، ہمارے پاس نہیں ہے، ملبہ کشمیر میں گرا ہے۔ سی این این کے اینکر نے فوری طور پر مزید کہاہم سوشل میڈیا کی افواہوں کے بارے میں بات نہیں کر رہے ہیں، بلکہ ٹھوس ثبوت مانگ رہے ہیں۔ ہمیں اس بات کا ثبوت بھی چاہیے کہاکیا یہ چینی ٹیکنالوجی کا استعمال کرتے ہوئے گرائے گئے تھے۔
اسکائی نیوز کو بھی متنازعہ جواب
چند ہفتے قبل اسکائی نیوز کے ایک انٹرویو میں جب ان سے پوچھا گیا کہ کیا پاکستان نے کئی دہائیوں سے دہشت گرد تنظیموں کی حمایت کی ہے تو انہوں نے فوراً تسلیم کیا کہ ہاں، پاکستان نے ہی ایسا کیا تھا۔ انہوں نے امریکہ اور برطانیہ پر بھی الزام عائد کرتے ہوئے کہاہم نے گزشتہ تین دہائیوں سے امریکہ اور مغرب کے لیے یہ گھناو¿نا کام کیا ہے، خاص طور پر افغانستان میں سوویت یونین کے خلاف“۔ تاہم مغرب نے کبھی بھی ہندوستان پر حملوں کے لیے دہشت گردی کی حمایت نہیں کی۔