لکھنؤ:شہریت ترمیمی قانون ( سی اے اے )اور نیشنل سٹیزنز شپ رجسٹر ( این آر سی )کی کانگرس مخالفت کر رہی ہے۔ ایسے میں شیعہ وقف بورڈ کے چیئرمین وسیم رضوی نے کانگرس کے سابق صدر راہل گاندھی پر زور دار نشانہ لگایا ہے۔انہوں نے کہا کہ راہل گاندھی ہندوستان میں کانگرس کو مسلم پارٹی بنا رہے ہیں۔ بہتر ہو گا وہ اسلام اپناکر پاکستان چلے جائیں۔وہ اگر وہاں الیکشن لڑتے ہیں تو عمران خان کو شکست دے کر وزیر اعظم بھی بن سکتے ہیں۔
رضوی نے کہا کہ راہل جی جس طرح سے ہندوستان میں کانگرس کو ایک مسلم پارٹی بنا کر ذات، پات پر سیاست کر رہے ہیں وہ ہندوستان کے لئے انتہائی خطرناک ہے۔راہل جی ہندوستان پر رحم کھائیں۔ اسلام قبول کر پاکستان میں کانگرس پارٹی کے لئے سیاسی زمین تیار کریں۔گاندھی خاندان کو چاہنے والوں کی پاکستان میں تعداد بہت زیادہ ہے۔
انہوںنے کہا کہ پاکستان میں اگر کانگرس پارٹی سیاست کرے گی تو عمران خان کو شکست دے کر مکمل اکثریت والی حکومت راہل گاندھی وہاں ضرور بنا لیں گے ۔ راہل گاندھی جی پاکستان کے وزیر اعظم بن سکتے ہیں۔وسیم رضوی نے ہندوستان مودی جی کے ہاتھوں میں مکمل طور پر محفوظ ہے۔برائے مہربانی ہندوستان پر رحم کھائیں اور این آر سی کے معاملے پر مسلمانوں کو گمراہ نہ کریں