وینکوور:مشرق وسطیٰ میں بڑھتے ہوئے تناو اور امریکہ۔ایران کے درمیان جاری جنگ کے باعث 2026 کے فٹبال ورلڈ کپ پر غیر یقینی کے بادل چھا گئے ہیں۔ یہ ورلڈ کپ شمالی امریکہ میں کرایا جانا ہے، جس میں کینیڈا، امریکہ اور میکسیکو مشترکہ طور پر میزبان ہیں۔معلومات کے مطابق ایران کی قومی فٹبال ٹیم کے کچھ مقابلے امریکہ میں کھیلے جانے کی منصوبہ بندی ہے۔

تاہم دونوں ممالک کے درمیان بڑھتے ہوئے سیاسی اور سکیورٹی سے متعلق تناو کے باعث اس حوالے سے کئی سوال اٹھنے لگے ہیں۔ایرانی نژاد کچھ فٹبال شائقین نے کہا کہ وہ 2026 کے ورلڈ کپ میں اپنی ٹیم کو کھیلتے دیکھنے کی امید کر رہے تھے، لیکن مشرق وسطیٰ میں تناو کے بعد صورتحال پیچیدہ ہو گئی ہے۔ تجزیہ کاروں کا ماننا ہے کہ اگر دونوں ممالک کے درمیان تناو جاری رہتا ہے تو یہ ورلڈ کپ کے انتظامات اور ٹیموں کی آمد و رفت پر بھی اثر انداز ہونے کے امکان کو رد نہیں کیا جا سکتا۔