واشنگٹن: امریکی محکمہ انصاف نے بوئنگ کے ساتھ ایک سمجھوتہ کیا ہے جس سے کمپنی کو 737 میکس جیٹ لائنر کے بارے میں ریگولیٹرز کو مبینہ طور پر گمراہ کرنے کے الزام میں مجرمانہ قانونی چارہ جوئی سے بچنے میں مدد ملے گی۔ جمعہ کو جمع کرائی گئی عدالتی دستاویزات کے مطابق، یہ معاہدہ دو طیاروں کے  حادثے کا شکار ہونے اور 346 افراد کی موت سے پہلے  ہواہے ۔ 
محکمہ انصاف نے عدالت میں فائلنگ میں کہا کہ وہ ایک "اصولی معاہدہ" پر پہنچ گیا ہے جس کے تحت کمپنی کو 1.1 بلین امریکی ڈالر سے زیادہ کی ادائیگی اور سرمایہ کاری کرنا ہوگی۔ بدلے میں، محکمہ ہوائی جہاز بنانے والے کے خلاف فوجداری مقدمہ خارج کر دے گا۔ معاہدے کو حتمی شکل دینا ابھی باقی ہے۔ محکمہ  انصاف کے وکلاء  نے عدالتی دستاویزات میں لکھا کہ یہ تصفیہ بوئنگ سے فوری جوابدہی اور خاطر خواہ فوائد کی ضمانت دیتا ہے، جبکہ مقدمے کی کارروائی کے نتیجے میں ہونے والی غیر یقینی صورتحال اور قانونی چارہ جوئی کے خطرے سے گریز کرتا ہے۔