نئی دہلی:وزیر اعظم نریندر مودی نے پیر کے روز یہاں گنگارام ہسپتال پہنچ کر جھارکھنڈ کے سابق وزیر اعلیٰ شیبو سورین کو خراج عقیدت پیش کیا اور ان کے اہل خانہ سے ملاقات کرکے اظہار تعزیت کی مسٹر سورین کے بیٹے اور جھارکھنڈ کے وزیر اعلیٰ ہیمنت سورین سے ملاقات کے بعد وزیر اعظم نے ایک سوشل میڈیا پوسٹ میں کہا کہ غم کی اس گھڑی میں میں نےمسٹر سورین کے اہل خانہ سے مل کر ان کے تئیں تعزیت کا اظہار کیا۔

مسٹر مودی نے پوسٹ میں لکھا، ”جھارکھنڈ کے سابق وزیر اعلیٰ شیبو سورین جی کو دلی خراج عقیدت پیش کیا۔ غم کی اس گھڑی میں، ہیمنت جی، کلپنا جی اور مسٹر سورین کے مداحوں سے میری تعزیت! ان کی پوری زندگی قبائلی سماج کی فلاح و بہبود کے لیے وقف تھی۔ اس کے لیے انہیں ہمیشہ یاد رکھا جائے گا۔قابل ذکر ہے کہ علیحدہ جھارکھنڈ تحریک کے سرخیل اور دشوم گروجی کے نام سے مشہور مسٹر سورین کا آج یہاں انتقال ہوگیا۔ ان کی عمر 81 برس تھی۔مسٹر سورین ایک ماہ سے زیادہ عرصے سے سر گنگا رام اسپتال میں داخل تھے جہاں ا±ن کا گردے اور دل سے متعلق بیماریوں کا علاج جاری تھا۔