گینگ ٹاک: صدر جمہوریہ دروپدی مورمونے دو روزہ سکم کے دورے کے آخری دن ہفتہ کو دو اہم شاہراہوں کے منصوبوں کا افتتاح کیااور700کروڑ روپے سے زیادہ لاگت والی پانچ دیگر ترقیاتی سکیموں کی سنگ بنیاد رکھی۔محترمہ مورمو نے دو شاہراہ منصوبوں میں رنگپو میں اٹل سرنگ اور گینگ ٹوک میں دو لین کی چسوپانی سرنگ کا افتتاح کیا۔ رنگپو میں واقع اٹل سرنگ قومی شاہراہ 10-پر سکم کو مغربی بنگال سے جوڑتا ہے اور اسے نیشنل ہائی ویز انفراسٹرکچرڈیولپمنٹ کارپوریشن کے ذریعے کل 133.49کروڑ روپے کی لاگت سے بنایا گیا ہے۔ اس کے علاوہ قومی شاہراہ 10-پر دو لین کی چسوپانی سرنگ پروجیکٹ نیشنل ہائی ویز اینڈ اور انفرا سٹرکچر ڈیولپمنٹ کارپوریشن لمیٹڈ نے 29کروڑ روپے کی لاگت سے تیار کیا گیاہے۔
دریں اثنا محترمہ مورمو نے نامچی ضلع کے روانگلامیں وی سی لاما سینئر سکنڈری اسکولوں میں 100بستر والے گرلز ہاسٹک کا افتتاح کیا۔ ہاسٹل کی تعمیرسکم حکومت کے سماجی انصاف اور بہبود کے محکمہ نے وزیر اعظم ترقیاتی پروگرام(پی ایم جے وی کے)کے تحت حکومت کے اقلیتی معاملوں کی وزارت کی 3.24کروڑ روپے کی مالیاتی منظوی کے ساتھ کیا گیا ہے۔
اس کے بعد صدر جمہوریہ نے گینگ ٹاک ضلع کے سنگتام میں 300بستر والے ضلع اسپتال کی بنیاد رکھی جس کی تعمیرریاستی حکومت کا سماجی انصاف اور بہبود محکمہ کر رہا ہے۔ اس کے تعمیر میں بھی ہاسٹل کی طرح ہی مرکزی حکومت سے 148.97کروڑ روپے کی مالیاتی منظوری ملی ہے۔صدر جمہوریہ مورمو نے نامچی میں عالمی تجدید روحانی برہما کمار ی مرکز کی سنگ بنیادبھی ر کھی۔ یہ منصوبہ 17,600برگ فٹ میں پھیلا ہوا ہے جس کی تعمیر میں پانچ کروڑ روپے کی لاگت کا اندازہ ہے۔ اس کی رقم ریاستی اسکیم کے تحت دی جائے گی اور اس کے تعمیر سکم حکومت کا بلڈنگ اور ہاسنگ محکمہ کرے گا۔
صدر جمہوریہ مورمو نے نامچی کے ضلع ہیڈ کواٹر سے کیچودومرا ہوئے بردانگ جانے والے راستوں کو چوڑا کرنے کے لئے سنگ بنیاد رکھی۔ یہ راستہ جنوبی سکم کے نامچی ضلع کے مغربی جنوب کے گیال سنگھ ضلع کے سورینگ کو جوڑتا ہے۔اس راستے کی لمبائی9.38کلومیٹر ہے اور چوڑائی 5.5میٹر ہے۔ اس کی تعمیر میں 61.36کروڑ روپے کی لاگت کا اندازہ ہے۔اس کے علاوہ صدرجمہوریہ نے مغربی سکم کو نیپال سے جوڑنے والے قومی شاہراہ کی بنیادرکھی۔