نیشنل ڈیسک: امریکہ کے صدر ڈونالڈ ٹرمپ نے پیر کو احمد آباد کے موٹیرا اسٹیڈیم میں ' نمستے ٹرمپ'پروگرام سے خطاب کیا۔ اس پروگرام میں حصہ لینے کے بعد وہ تاج محل کا دیدار کرنے کے لئے آگرہ پہنچے۔  امریکہ کے رشتوں میں مضبوطی فراہم کرنے کا اشارہ کرتے ہوئے ٹرمپ نے تاج محل میں داخلے سے قبل اپنے ٹویٹ میں لکھا امریکہ اور ہندوستان اپنے ممالک کو مضبوط بنائیں گے۔ اپنے لوگوں کو احترام فراہم کریں گے۔بڑے سپنے دیکھنے والوں کو اور بڑا بنائیں گے اور اپنا مستقبل پہلے سے کہیں زیادہ روشن بنائیں گے۔ یہ تو ابھی آغاز ہی ہے۔ 

مسٹر ٹرمپ کے ساتھ ان کی بیوی میلانیا ٹرمپ کے علاوہ بیٹی اوانکا اور داماد جیریڈ کشنر بھی تاج کی خوبصورتی دیکھنے پہنچے تھے۔ ٹرمپ اپنے اراکین اہل خانہ کے ساتھ تقریباً یک گھنٹہ تاج محل میں گذارا۔ اس دوران ٹرمپ نے ویزیٹر بک میں اپنا پیغام بھی لکھا۔بعد میں ٹرمپ جوڑا ڈائنا بنچ پہنچے اور تاج کی خوبصورتی کا جی بھر کر دیدار کیا۔

اس سے قبل گجرات پہنچنے پر ٹرمپ نے اپنے ہندی ٹویٹ میں لکھا تھا خاتون اول اور میں اس ملک کے ہر شہری کو ایک پیغام دینے کے لئے دنیا کا 8000 میل کا چکر لگا کر یہاں آئے ہیں۔ امریکہ ہندوستان سے پیارکرتا ہے۔امریکہ ہندوستان کا احترام کرتا ہے۔ اور امریکہ کے لوگ ہمیشہ ہندوستا کے لوگوں سے سچے اور مخلص دوست رہیں گے۔

امریکی صدر ڈونالڈ ٹرمپ اور ان کی بیوی میلانیا ٹرمپ کے  ' نمستے ٹرمپ 'منظم کرنے کے لئے موٹیرا اسٹیڈیم جاتے وقت 22 کلومیٹر کے روڈشو کے دوران ہزاروں لوگ بھارتی اور امریکی پرچم لئے ہوئے تھے اور نعرے لگا رہے تھے۔ احمد آباد اور گجرات کے مختلف حصوں سے بہت سے لوگ صبح سے ہی روڈ شو دیکھنے کے لئے آ گئے تھے۔ اس دوران طالب علم بھی بڑی تعداد میں موجود تھے ۔موٹیرا اسٹیڈیم میں گھسنے کے لئے پاس نہیں مل پانے سے بہت لوگ  مایوس بھی نظر آئے، لیکن، سڑک کنارے سے رہنماؤں کی ایک جھلک مل جانے سے ان کی مایوسی دور ہو گئی۔