انٹرنیشنل ڈیسک: امریکہ میں ڈونالڈ ٹرمپ کی انتظامیہ نے اب ان تارکین وطن کے خلاف سخت کارروائی شروع کر دی ہے جنہوں نے امریکہ میں رہتے ہوئے قوانین کی خلاف ورزی کی ہے۔ امریکی امیگریشن انفورسمنٹ ایجنسیاں (ICE) اب اندرونی ریونیو سروس (IRS) کے ریکارڈز کی جانچ کر رہی ہیں تاکہ ان افراد کی شناخت کی جا سکے جنہوں نے غیر مجاز طریقے سے کمائی کی اور ٹیکس چوری کی۔ اس قدم سے  ہندوستان  سمیت کئی ممالک کے تارکین وطن کے لیے ملک بدری (deportation) کا خطرہ بڑھ گیا ہے۔
 H-1B اوراسٹوڈنٹ ( طالبعلم )ویزا رکھنے والے نشانے پر
امریکہ میں امیگریشن کے معاملات کے وکیل جتھ شا نے بتایا کہ جن لوگوں کے پاس H-1B ویزا ہے اور وہ اپنے سرکاری آجر (employer) کے علاوہ کسی اور ذریعے سے بھی آمدنی حاصل کر رہے ہیں، یا جو لوگ طالبعلم ویزا (F-1 ویزا)پر ہیں اور پڑھائی کے علاوہ پارٹ ٹائم نوکری سے کمائی کر رہے ہیں، وہ اب جانچ کے دائرے میں آ گئے ہیں۔ اگر اس اضافی آمدنی کی اطلاع انہوں نے IRS کو نہیں دی ہے، تو ان کا ویزا منسوخ کیا جا سکتا ہے یا انہیں دوبارہ امریکہ میں داخل ہونے سے روکا جا سکتا ہے۔
 چھوٹی موٹی خلاف ورزیاں بھی بنیں بڑی وجہ 
رپورٹ کے مطابق کئی H-1B ویزا رکھنے والوں کو ہوائی اڈے پر امریکہ میں داخل ہونے سے روکا گیا ہے کیونکہ ان پر الزام ہے کہ انہوں نے طالبعلم ہونے کے دوران بغیر اجازت کے اضافی کمائی کی تھی۔ شا نے بتایا کہ ماضی میں کیے گئے چھوٹے موٹے قانون کی خلاف ورزی کو بھی اب سنگین جرم سمجھا جا رہا ہے۔
انہوں نے مثال دیتے ہوئے کہا کہ کئی بار ٹریفک کی خلاف ورزی جیسے معاملات میں بھی جب کسی تارک وطن کا پس منظر (background) چیک کیا جاتا ہے تو برسوں پہلے کسی ریستوران میں غیر مجاز طریقے سے کام کرنا بھی ان کے لیے مصیبت کا سبب بن سکتا ہے۔ 
ملک بدری کا خطرہ بڑھا
فی الحال ICE کی جانب سے اس طرح کی کارروائی بڑے پیمانے پر شروع نہیں ہوئی ہے، لیکن خدشہ ظاہر کیا جا رہا ہے کہ آنے والے وقت میں اسے مزید سخت کیا جا سکتا ہے۔ اس بہانے بھارت سمیت دیگر ممالک سے امریکہ میں رہنے والے تارکین وطن کے لیے ملک بدری کا خطرہ بڑھ گیا ہے۔