جموں: عوام کی حفاظت کو مدنظر رکھتے ہوئے جموں پولیس نے بشناہ میں ایک اہم کارروائی کرتے ہوئے ایک شخص کو غیر قانونی تیز دھار ہتھیار کے ساتھ گرفتار کیا ہے۔ اس اقدام سے نہ صرف غیر قانونی ہتھیاروں کے ممکنہ غلط استعمال کو روکا گیا ہے بلکہ ضلع میں غیر قانونی اسلحہ رکھنے کے خلاف جاری سخت مہم کو بھی مضبوطی ملی ہے۔ اس کے محرکات اور دیگر غیر قانونی سرگرمیوں کے ساتھ کسی ممکنہ تعلق کا پتہ لگانے کے لیے کیس کی مزید تفتیش جاری ہے۔

مصدقہ اطلاع پر فوری کارروائی کرتے ہوئے، تھانہ بشناہ کی ایک سرشار پولیس ٹیم نے بشناہ کے علاقے چک چوآمیں ایک مربوط چھاپہ مارا۔ اس دوران ٹیم نے ملزم کو گرفتار کر لیا جس کی شناخت ہرش گل ولد وجے گل سکنہ چک چوآ، بشناہ کے نام سے ہوئی اور اس کے قبضے سے تیز دھار ہتھیار (ٹوکا) برآمد کر لیا۔
پولیس نے عوام سے اپیل کی ہے کہ وہ مشکوک سرگرمیوں کے بارے میں معلومات شیئر کریں تاکہ سب کے لیے محفوظ ماحول پیدا کرنے میں مدد مل سکے۔