کھٹمنڈو: نیپال کے کھٹمنڈو شہر میں اتوار کو تعلیمی اصلاحات اور تنخواہوں میں اضافے کا مطالبہ کرنے والے احتجاج کے دوران دو فریقوں کے درمیان تصادم میں کم از کم سات اساتذہ اور کچھ پولیس اہلکار زخمی ہوگئے۔ ایک عینی شاہد نے بتایا کہ پولیس نے ہزاروں مشتعل اساتذہ کو منتشر کرنے کے لیے لاٹھیوں اور واٹر کینن کا استعمال کیا جو کھٹمنڈو کے نیا بنیشور علاقے میں ایک ممنوعہ علاقے میں داخل ہونے کے لیے حفاظتی حصار توڑ کر داخل ہونے کی کوشش کر رہے تھے۔
عینی شاہدین نے بتایا کہ جھڑپوں میں کچھ پولیس اہلکار زخمی بھی ہوئے۔ ملک کے مختلف حصوں سے تعلق رکھنے والے ہزاروں اسکول اساتذہ اسکول کی تعلیم میں بہتری اور تنخواہوں اور الاو¿نسز میں اضافے کا مطالبہ کرتے ہوئے تقریباً ایک ماہ سے کھٹمنڈو میں احتجاج کر رہے ہیں۔ ان کا بنیادی مطالبہ سکول ایجوکیشن بل کو پارلیمنٹ سے پاس کروانا ہے۔ گزشتہ ہفتے، تعلیم، سائنس اور ٹیکنالوجی کے وزیر بدیا بھٹارائی کو احتجاج کرنے والے اساتذہ کے خدشات کو دور کرنے میں ناکامی کے بعد استعفیٰ دینے پر مجبور کیا گیا تھا اور رگھوجی پنتا کو وزارت کا چارج دیا گیا تھا۔
