نیشنل ڈیسک: وزیر اعظم نریندر مودی نے دہلی کے رام لیلا میدان میں شہریت   ترمیمی قانون کا ذکر کرتے ہوئے لوگوں سے اس کا احترام کرنے کا اعلان کیا۔ انہوں نے کہا کہ ملک کے روشن مستقبل کے لئے  سی اے بی (کیب ) ( جو اب قانون  ہے ) پاس کروایا گیا لیکن اس کے پاس ہونے کے بعد کچھ سیاسی پارٹیاں طرح طرح کی افواہیں پھیلانے میں لگی ہیں ، لوگوں کو گمراہ کر رہی ہیں، جذبات کو بھڑکا رہی ہیں۔ 

https://twitter.com/ANI/status/1208676028115230727
مودی نے کہا کہ دہلی کے 40 لاکھ لوگوں کی زندگی میں نیا سویرا آیا ہے۔دہلی کی آبادی ڈر ڈر کر جی رہی تھی۔وزیر اعظم نے کہا کہ مسائل کو لٹکانے ہمارے سنسکارنہیں ، ہمیں مسائل کو لٹکانا نہیں آتا۔ الیکشن آتے تھے تو  تاریخیں آگے بڑھائی جاتی تھی، بلڈوزر کا پہیا کچھ وقت کے لئے رک جاتا تھا، لیکن مسئلہ وہیں  کا وہیں رہتا تھا ۔ اپوزیشن کے لوگوں کی اس رفتار کو دیکھتے ہوئے ہم نے کہا کہ ایسا نہیں چلے گا اور نہ میں چلنے دوں گا۔اس لئے ہم نے اس سال مارچ میں یہ کام اپنے ہاتھ میں لیا۔لوک سبھا اور راجیہ سبھا کے گزشتہ سیشن میں دہلی کی کالونیوں سے منسلک بل پاس کرایا جا چکا ہے۔

پی ایم نے عام آدمی پارٹی پر حملہ بولتے ہوئے کہا کہ سوچیں جن لوگوں پر آپ لوگوں نے اپنے گھروں کو مستقل  کرنے کے لئے  اعتماد کیا تھا، وہ خود کیا کر رہے تھے؟ ان لوگوں نے دہلی کے سب سے زیادہ پرتعیش اور سب سے مہنگے علاقوں میں 2 ہزار سے زیادہ بنگلے، غیر قانونی طریقے سے اپنے قریبی لوگوں کو دے رکھے تھے۔

https://twitter.com/AHindinews/status/1208668753556193280

مودی نے اپنے خطاب میں کہا کہ پہلے جو حکومت چلا رہے تھے انہوں نے ان بنگلوں میں رہنے والوں کو تو مکمل چھوٹ دی، لیکن آپ کے گھروں کو  مستقل کرنے کے لئے کچھ کیا بھی نہیں اور جب میں کر رہا تھا تو روڈڑہ اٹکانے کا کوئی موقع بھی نہیں چھوڑا۔ہم نے ایک طرف وی آئی پی لوگوں سے دہلی کے 2000 سے زیادہ بنگلے خالی کرائے ہیں اور 40 لاکھ سے زیادہ غریبوں اور متوسط طبقے کو ان کے گھر کا حق بھی دے دیا ہے۔