مونٹانا: امریکی ریاست مونٹانا کے ایک ہوائی اڈے پر پیر کی دو پہر اس وقت ایک سنگین طیارہ حادثہ  ہوتے ہوتے ٹل گیا جب ایک چھوٹا طیارہ لینڈنگ کے دوران رن وے پر کھڑے دوسرے طیارے سے ٹکرا گیا۔ حالانکہ تصادم کے بعد طیارے میں آگ لگ گئی تاہم پائلٹ اور تمام مسافر بحفاظت باہر نکلنے میں کامیاب ہوگئے جس سے بڑا حادثہ ٹل گیا۔
حادثہ کیسے ہوا؟
یہ واقعہ دوپہر دو بجے کے قریب کالیسپیل سٹی ایئرپورٹ پر پیش آیا۔ جانکاری  کے مطابق، سوکاٹا ٹی بی ایم 700 ( Socata TBM 700) ٹربوپروپ نامی ایک سنگل انجن والا نجی طیارہ رن وے پر اتر رہا تھا جب وہ ایئرپورٹ پر کھڑے ایک خالی طیارے سے ٹکرا گیا۔ تصادم اتنا زوردار تھا کہ دونوں طیاروں میں سے ایک میں آگ بھڑک اٹھی اور سیکنڈوں میں دھوئیں کے بادل آسمان پر پھیل گئے۔

https://x.com/FoxNews/status/1955045169624981626
کیا طیارے میں سوار افراد محفوظ تھے؟
اس چھوٹے طیارے میں کل چار افراد سوار تھے - ایک پائلٹ اور تین مسافر۔ تصادم کے بعد آگ بھڑک اٹھی تاہم پائلٹ کی حاضر دماغی اور مسافروں کی جلد بازی کے باعث سب فورا باہر نکل گئے۔ اگرچہ دو مسافروں کو معمولی چوٹیں آئی ہیں تاہم ان کی حالت مستحکم بتائی جاتی ہے اور انہیں ایئرپورٹ پر ہی ابتدائی طبی امداد دی گئی۔
عینی شاہدین نے کیا دیکھا؟
ہوائی اڈے پر موجود لوگوں کے مطابق "ایک طیارہ رن وے کے آخری کنارے پر تیزی سے اترا، لیکن توازن کھو بیٹھا اور سیدھا کھڑے طیارے سے ٹکرا گیا۔ پھر اچانک زور دار دھماکے کے ساتھ آگ بھڑک اٹھی۔ چند ہی لمحوں میں ریسکیو کارکن موقع پر پہنچ گئے۔
تفتیش شروع 
اس تصادم کے بعد فیڈرل ایوی ایشن ایڈمنسٹریشن (FAA) اور نیشنل ٹرانسپورٹیشن سیفٹی بورڈ (NTSB) نے تحقیقات شروع کر دی ہیں۔ ابتدائی طور پر اسے لینڈنگ میں فنی خرابی یا غلط اندازہ مانا جارہا ہے  ہے، لیکن اصل وجہ تفصیلی تحقیقات کے بعد ہی سامنے آئے گی۔