اسلام آباد: پاکستان میں عمران حکومت کو گرانے کی قواعد دن بدن تیز ہوتی جا رہی ہیں۔جمعیت علمائے اسلام  فضل (جے یو آئی - ایف )کے سربراہ مولانا فضل الرحمن کافی وقت سے عمران حکومت کو گرانے کے لئے بڑے پیمانے پر احتجاج کر رہے ہیں۔مولانا فضل الرحمن نے عمران خان کو اقتدار سے ہٹانے کا اشارہ دیا ہے۔ انہوں نے  پاکستان کے حکمراں کو کہا کہ وہ  اب اپنے دن گننا شروع کر دیں۔

پاکستان نیوز ڈان کے مطابق ،خیبر پختونخواہ  صوبے کے بنو میں ایک پروگرام میں خطاب کرتے ہوئے، جے یو آئی-ایف کے سربراہ نے پاکستان تحریک انصاف(پی ٹی آئی) حکومت کی سخت تنقید کی۔انہوں نے کہا یا تو حکومت ملک کو چلانے کے قابل نہیں ہے یا پھر کسی ایجنڈے کے تحت ملک کو تباہ کرنے کا کام کر رہی ہے۔  انہوں نے کہا کہ  عمران خان حکومت  کی جڑیں کٹ چکی ہیں، ان لوگوں کو اب  اپنے دن گننا شروع کردینا چاہئے ۔

انہوں نے اشاروں ہی اشاروں میں یہ پیغام دینے کی بھی کوشش کی کہ وہ  اسلام آباد بغیر کسی وجہ کے نہیں گئے تھے۔ انہوں نے کہا کہ اگر وہ وہاں سے واپس لوٹے ہیں تو کچھ بڑا ہونے والا ہے، ایسے ہی نہیں لوٹے ہیں۔ انہوں نے عمران خان حکومت پر الزام لگایا کہ ملک چلانے کے لئے ان کے پاس کوئی نظریہ نہیں ہے۔ اقتدار میں بیٹھے لوگوں کے پاس مخالفین کو گالی دینے کے علاوہ کچھ نہیں ہے۔ یہ لوگ ووٹ کی چوری کر کے اقتدار میں آئے ہیں۔ ہم اس کی اجازت نہیں دے سکتے ہیں۔ ہم پاکستان کے آئین کے تحفظ کے لئے نکلے ہیں۔

غور طلب ہے کہ جمعیت کے ہزاروں کارکنان نے ملک بھر سے آزادی مارچ نکالا تھا اور اسلام آباد پہنچے تھے۔ اس کے بعد انہوں نے 31 اکتوبر سے 13 نومبر تک عمران خان کے استعفے کی مانگ کرتے ہوئے دھرنا بھی دے دیا تھا۔ دھرنا ختم کرنے کے بعد اب جمعیت کے کارکنان لوٹ رہے ہیں لیکن اسی کے ساتھ اب انہوں نے اپنے امن مارچ کو تحریک میں تبدیل کر دیا ہے۔ پاکستان کے الگ الگ علاقوں میں مظاہرے اور سڑک جام کئے جانے کی خبریں آ رہی ہیں۔