کرتارپور کاریڈور کو لے کر پاکستان کے وزیر خارجہ شاہ محمود قریشی کا بڑا بیان آیا ہے۔قریشی نے بتایا کہ پاکستان 9 نومبر کو کرتارپور کاریڈور کا افتتاح کرے گا۔ انہوں نے یہ بھی بتایا کہ سابق وزیر اعظم منموہن سنگھ کرتارپور صاحب جائیں گے اور افتتاحی تقریب میں شامل ہوں گے  ،لیکن مہمان خصوصی کے طور پر نہیں، بلکہ   عام مسافر کے طور پرشامل ہوں گے ۔

. پاکستان کے  ایک ٹی وی چینل پر قریشی نے کہاکہ ' میں نے ہندوستان کے سابق وزیر اعظم منموہن سنگھ کو دعوت بھیجی تھی ۔میں ان کا شکرگزار ہوں کہ انہوں نے مجھے خط لکھ کر کہا کہ میں آؤں گا لیکن مہمان  خصوصی کے طور پر نہیں بلکہ ایک عام انسان  اور مسافر کی طرح'۔ قریشی نے مزید کہا کہ اگرچہ وہ عام شخص کی طرح آئیں، لیکن ہم ان کا استقبال کریں گے۔

بتا دیں کہ پاکستان نے پہلے منموہن سنگھ کو افتتاحی تقریب  میں شامل ہونے کی دعوت دی تھی۔اس پر حکومت ہند نے کہا تھا کہ دعوت پر فیصلہ منموہن سنگھ کو ہی لینا ہے۔قابل ذکر ہے کہ منموہن سنگھ کی پیدائش گاہ گاؤں میں ہوا تھا۔ ہند - پاک تقسیم کے بعد گاہ گاؤں  پاکستان میں چلا گیا۔ 10 سال وزیر اعظم  رہتے ہوئے منموہن سنگھ کبھی پاکستان نہیں گئے۔

گزشتہ سال عمران خان نے وزیر اعظم  عہدے کا حلف لینے کے بعد ہندوستانیوں کے لئے کرتارپور کاریڈور کھولنے  کی بات کہی تھی۔کرتارپور صاحب گوردوارہ پاکستان کے نروال ضلع میں ہے جو کہ بھارت کے ضلع گورداس پور سے چند کلومیٹر کے فاصلے پر ہے۔
وزیر اعظم مودی 8 نومبر کو کریں گے افتتاح
وزیر اعظم نریندر مودی آٹھ نومبر کو کرتارپور کوریڈور کا افتتاح کریں گے۔کچھ دن پہلے مرکزی وزیر ہرسمرت کور بادل نے ٹویٹ کرکے اس کی اطلاع دی تھی۔انہوں نے ٹویٹ کیا کہ آٹھ نومبر وزیر اعظم نریندر مودی کے کرتارپور کاریڈور کے افتتاح کے ساتھ ہی ایک تاریخ رقم ہو جائے گی۔