انٹرنیشنل ڈیسک:  سوشل میڈیا پر دعوی کیا گیا ہے کہ ہندوستانی جوڑے سچن اوستھی اور ان کی اہلیہ کو جنوبی کوریا کے جیجو آئی لینڈ پر داخلے سے روک دیا گیا اور حراست میں رکھا گیا۔ سوشل میڈیا پلیٹ فارم ایکس پر ابھیشیک آنند کی ایک پوسٹ کے بعد یہ معاملہ زیر بحث آیا۔ پوسٹ میں دعوی کیا گیا کہ  ہندوستانی  شہری سچن اوستھی اور ان کی اہلیہ سیاحت کے لیے جنوبی کوریا کے مقبول سیاحتی مقام جیجو آئی لینڈ گئے تھے۔ ہندوستانی انفلوئنسر سچن اوستھی نے سوشل میڈیا پر شیئر کی گئی ویڈیو میں دعوی کیا ہے کہ انہیں اور ان کی اہلیہ کو جنوبی کوریا اور چین میں مجموعی طور پر 38 گھنٹے تک حراست میں رکھا گیا۔ انہوں نے الزام لگایا کہ بغیر کسی واضح وجہ کے انہیں داخلے سے روکا گیا، ذہنی دباؤ ڈالا گیا اور بلیک میل جیسی صورتحال کا سامنا کرنا پڑا۔

Sachin Awasthi has alleged that he and his wife were detained for nearly 38 hours by immigration authorities in Jeju Island and later during transit through China. According to Awasthi, the couple was denied entry upon arrival in South Korea and kept in a detention facility under… pic.twitter.com/i1rX3JHVpZ

— News9 (@News9Tweets) February 22, 2026

جیجو آئی لینڈ پر داخلہ روکا گیا
اوستھی کے مطابق وہ سیاحت کے لیے جنوبی کوریا کے  جیجو آئی لینڈ پہنچے تھے۔ ان کے پاس تمام ضروری دستاویزات ہونے کے باوجود امیگریشن حکام نے انہیں روک لیا۔ پوسٹ کے مطابق جوڑے کے پاس درست پاسپورٹ، ویزا اگر ضروری تھا، ہوٹل بکنگ اور واپسی کا ٹکٹ سمیت تمام ضروری دستاویزات موجود تھے۔ اس کے باوجود جنوبی کوریا کے امیگریشن حکام نے انہیں داخلہ دینے سے انکار کر دیا۔ 
انہوں نے کہا کہ انہیں ایک حراستی مرکز میں رکھا گیا جہاں کئی گھنٹوں تک کوئی واضح وجہ نہیں بتائی گئی۔ ویڈیو میں انہوں نے دعوی کیا کہ یہ برتاؤ نسلی امتیاز جیسا محسوس ہوا۔ اوستھی کا کہنا ہے کہ ہندوستان  واپس آتے وقت چین کے ٹرانزٹ ایئرپورٹ پر بھی ان کے ساتھ سخت رویہ اختیار کیا گیا۔ انہوں نے الزام لگایا کہ وہاں مسلسل نگرانی کی گئی، واش روم استعمال کرتے وقت رازداری نہیں دی گئی اور سکیورٹی اہلکاروں کا رویہ توہین آمیز تھا۔ انہوں نے یہ بھی دعوی کیا کہ انڈونیشیائی مسافروں کے ساتھ بھی ایسا ہی برتاؤ کیا گیا۔

भारतीयों के साथ बिना वजह, विदेशों में जानवरों से भी बुरा सलूक हो रहा है। कभी अमेरिका या फ्रांस के नागरिक के साथ ऐसा नहीं होता।
सारे डॉक्यूमेंट के साथ कपल साउथ कोरिया (jeju island) घूमने गया.
Sachin Awasthi और उनकी पत्नी को साउथ कोरिया ने बिना किसी कारण "डिटेंशन कैंप" में रखा और… pic.twitter.com/BssUsnwqO7

— Abhishek Anand (@TweetAbhishekA) February 21, 2026

سوشل میڈیا پر غصہ
معاملہ سامنے آنے کے بعد سوشل میڈیا پر کئی صارفین نے وزارت خارجہ سے مداخلت کا مطالبہ کیا ہے۔ کچھ پوسٹس میں سوال اٹھایا گیا کہ ججو میں ہندوستانی سفارت خانے یا ہیلپ لائن سے رابطہ کیوں نہیں ہو سکا۔ صارفین نے یہ بھی کہا کہ جنوبی کوریا بھارت میں اپنے فیشن، موبائل فون اور کے ڈرامہ کے ذریعے بڑا بازار حاصل کرتا ہے لیکن ہندوستانی  سیاحوں کے ساتھ ایسا برتا قابل قبول نہیں ہے۔ اب تک جنوبی کوریا یا چین کی امیگریشن حکام کی جانب سے کوئی سرکاری بیان سامنے نہیں آیا ہے۔ بھارتی وزارت خارجہ کی جانب سے بھی عوامی ردعمل کا انتظار ہے۔ یہ معاملہ فی الحال انفلوئنسر کے دعوؤں اور سوشل میڈیا ردعمل پر مبنی ہے۔ سرکاری تحقیقات یا بیان کے بعد ہی پوری صورتحال واضح ہو سکے گی۔