جالندھر :پاکستان میں ننکانہ صاحب گوردوارے پر بھیڑ کے پتھراؤ نے ایک بار پھر سے ایک سوال کھڑا کردیا ہے کہ وہاں اقلیتی ہندو ، مسلم اور عیسائی کتنے محفوظ ہیں ؟ پتھراؤ کرتی ہوئی بھیڑ میں یہ بھی آوازیں آرہی تھیں کہ ہمیں یہاں سکھ چاہئے ہی نہیں ۔ حقیقت یہ ہے کہ آزادی کے بعد پاکستان میں بڑے پیمانے پر مذہب تبدیلی کے چلتے تینوں اقلیتی طبقوں کے لوگوں کی تعداد 23 فیصد سے کم ہوکر 3 فیصد رہ گئی ہے جبکہ ہندوستان میں اقلیت کہے جانے والے مسلم طبقے کے لوگوں کی آبادی میں اضافی شرح 24 فیصدی سے زیادہ ہے ۔ میڈیا رپورٹس کے مطابق پاکستان میں ہر مہینے 70 سے زیادہ معاملے اقلیتوں کو مذہب تبدیلی اور اغوا کے ہوتے ہیں ۔ 

کیا کہا تھا جناح اور گاندھی نے 
اگر بنٹوارے کے بعد کی بات کریں تو محمد علی جناح اور مہاتما گاندھی نے ہندوستان اور پاکستان میں رہنے والے سکھوں اور ہندوؤں کے مفادات کی حفاظت کی وکالت کی تھی ۔ 8 اگست 1947 کو مہاتما گاندھی نے 'ہندوستان اور ہندوستانیت' پر کہا تھا کہ،' آزاد ہندوستان ہندو راج نہیں ہے ، ہندوستانی راج ہوگا جو کسی مذہب ، طبقہ یا فرقہ ٔ خاص کی اکثریت ہونے پر منحصر نہیں ہوگا ۔ ' انہوں نے یہ بھی کہ اتھا کہ ،' پاکستان میں رہنے والے ہندو اور سکھ ساتھیوں کو جب لگے کہ ان کو ہندوستان آنا چاہئے تو ان کا استقبال ہے ۔ '
11 اگست 1947 کو محمد علی جناح نے اپنی ایک تقریر میں کہا تھا کہ پاکستان میں ہندو آزاد ہیں ، اپنے مندر جانے کیلئے ، مسلم آزاد ہیں اپنی مسجد جانے کیلئے ۔ کوئی بھی کہیں بھی پاکستان میں جانے کیلئے آزاد ہے ۔ جبکہ حالات ایسے ہوگئے ہیں کہ وہاں اقلیت بیٹیوں - خواتین کو اجتماعی عصمت دری ، قتل ، اغوا ، مذہب تبدیلی ، زبردستی نکاح جیسی وارداتوں کو انجام دیا جاتا ہے ۔ 

ہندوستان ہوگا دنیا میں سب سے زیادہ مسلم آبادی والا ملک 
اب یہاں ہندوستان کی بات کی جائے تو آزادی کے بعد ہندوستان میں مسلم طبقہ  کے لوگوں کو اقلیت کہا جاتا ہے ۔ تکنیکی طور پر دیکھا جائے تو 2011 میں ہوئی مردم شماری کے مطابق ہندوستان میں مسلم تعداد 17.22 کروڑ ہے ، جو کہ ہندوستان کی آبادی کا 14.23 فیصدی ہوتا ہے اور ہندوستان میں مسلمانوں کی آبادی اضافی شرح 24.6 فیصد ہے ۔ امریکی تھنک ٹینک پیو ریسرچ سینٹر کے مطابق 40 سال بعد ہندوستان سب سے زیادہ مسلم آبادی والا ملک بن جائے گا ۔ 2060 میں ہندوستان کی مسلم آبادی 33 کروڑ ہو جائے گی ۔ دنیا کی کل مسلم آبادی میں ہندوستان کا تعاون 11 فیصدی ہوگا ۔ وہیں پاکستان 28.36 کروڑ مسلم آبادی کے ساتھ دوسرے مقام پر پہنچ جائے گا ۔