انٹرنیشنل ڈیسک: ریڈی ٹو وئیر فیشن کے لیجنڈ اور اپنے مضبوط اسٹائل سے فیشن کی دنیا میں انقلاب برپا کرنے والے جیورجیو ارمانی 91 برس کی عمر میں انتقال کرگئے۔ارمانی کچھ عرصے سے علیل تھے جس کے باعث ان کا اپنے گھر پر انتقال ہوگیا۔ ارمانی بھی جون میں اپنے رن وے شو میں شرکت کرنے سے قاصر تھے۔ ان کی موت سے فیشن کی دنیا میں سوگ کی لہر ہے۔

ارمانی رواں ماہ میلان فیشن ویک کے دوران اپنے سگنیچر جیورجیو ارمانی فیشن ہاوس کی 50ویں سالگرہ منانے کی تیاری کر رہے تھے، جس کے لیے ایک بڑی تقریب کا منصوبہ بنایا گیا تھا۔ ارمانی نے اپنے منفرد ڈیزائنز سے فیشن کو ایک نئی سمت دی اور دنیا بھر میں بڑا نام کمایا۔