انٹرنیشنل ڈیسک: وسطی نائیجیریا کے موکوا قصبے میں جمعے کو آنے والے زبردست سیلاب میں کم از کم 111 افراد ہلاک ہو گئے۔ یہ تباہی موسلا دھار بارش اور قریبی ڈیم کے ٹوٹنے کی وجہ سے ہوئی جس سے صورتحال مزید خراب ہو گئی۔ مقامی حکام کے مطابق جمعہ کی سہ پہر تک امدادی کارروائیاں جاری تھیں اور ہلاکتوں میں اضافے کا خدشہ ہے۔
موکوا میں سیلاب کے اثرات
موکوا، جو ابوجا سے 220 کلومیٹر مغرب میں واقع ہے، ایک بڑا تجارتی مرکز ہے جہاں جنوبی اور شمالی نائیجیریا کے تاجر جمع ہوتے ہیں۔ اس علاقے کو پہلے بھی سیلاب کا سامنا کرنا پڑا ہے لیکن اس بار سیلاب نے بڑے پیمانے پر تباہی مچائی ہے۔ مقامی اہلکار جبریل مریگھی کے مطابق موکوا میںپانی کی نکاسی کا مناسب نظام نہ ہونے کی وجہ سے سیلاب کے اثرات میں اضافہ ہوا۔
متاثرہ علاقے اور نقل مکانی
سیلاب نے موکوا کی 89 برادریوں میں بڑے پیمانے پر تباہی مچائی ہے۔ کیڈے برادری کے 30 گاو¿ں مکمل طور پر زیر آب آگئے ہیں، جب کہ 100 ہیکٹر سے زیادہ زرعی اراضی بہہ گئی ہے۔ کئی دیہات کے مکین عارضی پناہ گاہوں میں پناہ لینے پر مجبور ہو گئے ہیں۔ مقامی حکام کے مطابق 500 سے زائد مکانات تباہ اور ہزاروں افراد بے گھر ہو گئے ہیں۔