نیشنل ڈیسک:چین کے ہوبئی صوبے کے دارالحکومت ووہان سے شروع ہوا  جان لیوا  کورونا وائرس ہدوستان میں  بھی تیزی سے پھیلتا جا رہا ہے۔ کیرل کے تین سال کے بچے میں کورونا وائرس کی علامات پائی گئی ہیں۔ یہ بچہ اپنے خاندان کے ساتھ اٹلی سے واپس لوٹا تھا۔ وہیں ایران سے واپس آئے جموں و کشمیر کے ایک شخص میں  کورونا کی علامات پائی گئی ہیں۔اسی کے ساتھ ہی ہندوستان میں کورونا وائرس  سے  منسلک معاملات کی تعداد 43 ہو گئی ہے۔
قطر نے انٹری پر لگائی روک
 کورونا وائرس کے اثر کو دیکھتے ہوئے قطر نے اپنے ملک میں کئی ممالک کی پرواز پر روک لگا دی ہے، ان ممالک میں بھارت بھی شامل ہے۔ پیر کو قطر حکومت کی جانب سے بیان جاری کیا گیا کہ قطر ایئر ویز کے ذریعے جو بھی شخص ان ممالک سے آ رہا ہے، جہاں  پر  کورونا  وائرس کا اثر ہے ان کے سفر پر روک لگائی جاتی ہے ۔پہلے صرف اٹلی پر پابندی تھی  لیکن اب کچھ نئے ممالک کے نام شامل کر دئیے گئے  ہیں۔ ان میںبنگلہ دیش، چین، مصر، بھارت، ایران، عراق، لبنان، نیپال، پاکستان، فلپائن، جنوبی کوریا، سری لنکا، سیریا، تھائی لینڈ بھی اب شامل ہے۔ ان ممالک کے لئے جاری ویزا، ویزا آن ارائیول، ورک پرمٹ، ٹیمپریری وزیٹر پر روک لگا دی گئی ہے۔
مرکزی وزارت صحت کے حکام نے پیر کو یہ جانکاری  دی ۔وزارت نے بتایا کہ دہلی، اتر پردیش اور جموں و کشمیر اور کیرالہ کے ایرناکلم سے ایک ایک نیا معاملہ سامنے آیا ہے۔ساتھ ہی بتایا کہ ملک میں پربامنڈل وائرس سے اب تک کسی کی بھی موت کی خبر نہیں ہے ۔