بیجنگ: چین کے مختلف شہروں میں تیزی سے پھیل رہے قاتلانہ پربامنڈل وائرس کا اثر اب کم ہوتا نظر نہیں آ رہا ہے ۔یہ وائرس دن بدن لوگوں کی جان لے رہا ہے اور اس خطرناک وائرس کے پھیلنے سے مرنے والوں کی تعداد اب تک 80 ہو گئی ہے ۔ جبکہ 2744 افراد متا ثر ہیں ۔ دریں اثنا چین نے اس وبا کو روکنے کے لیے عام تعطیل میں بھی توسیع کر دی ہے۔حکام نے عام تعطیل کوختم کرنے کی تاریخ کا اعلان بھی نہیں کیا ہے۔مقامی میڈیا نے یہ معلومات دیں۔
ساؤتھ چائنا پوسٹ کے مطابق پیر کی صبح تک اس جان لیوا وائرس سے 80 افراد کی موت ہو گئی ہے جس میں سے 76 لوگ اکیلے ہوبئی صوبے سے ہیں۔ہوبئی صوبے میں اس جان لیوا وائرس کے 1423 کیس بھی درج کئے جا چکے ہیں۔ اس کے علاوہ چین میں کورونا وائرس کے ابھی تک 2454 معاملے سامنے آئے ہیں ۔جبکہ دنیا بھر میں 2504 لوگوں کے اس وائرس سے متاثر ہونے کی اطلاع ہے۔ ہانگ کانگ میں 6، مکاؤ میں 5، تائیوان میں 3 اور ایشائی حصہ میں 24 جبکہ یورپ میں کورونا وائرس کے 3 اور شمالی امریکہ میں 5 معاملات کی تصدیق کی گئی ہے، جن کا تعلق کیلیفورنیا، ایریزونا، الی نوائے اور واشنگٹن سے ہے۔ حکام کے مطابق 100 کے قریب مشتبہ مریضوں کی اسکریننگ کی جارہی ہے۔
کورونا وائرس کا پہلا کیس دراصل گزشتہ سال دسمبر میں سامنے آیا تھا جس کے بعد چین میں کورونا وائرس نے خطرناک شکل اختیار کرلی اور اس وائرس کی زد میں آنے سے اب تک 80 افراد کی جان جا چکی ہے۔ یہ اعداد و شمار اگرچہ تیزی سے بڑھ رہے ہیں۔ جس کو ذہن میں رکھتے ہوئے کئی ممالک نے چین کے دورے پر گئے اپنے اپنے شہریوں کو الرٹ جاری کیا ہے۔