نئی دہلی :ہندوستان نے تمام موجودہ ویزا1`5اپریل تک رد کرنے کا فیصلہ کیا ہے۔ حکومت نے کورونا وائرس (کووڈ19) کے پیش نظر 15اپریل تک سبھی ویزا رد کرنے کا حکم دیا ہے۔ کورونا وائرس کی نگرانی کے لئے افسران  کے گروپ کی سفارش پریہ فیصلہ لیا گیا ۔ حکومت کی جانب  سے بدھوار کو جاری احکامات میں کہا گیا ہے کہ 1`3مارچ ساڑھے پانچ بجے سے 15اپریل تک سبھی  موجودہ ویزا رد مانے  جائیں گے  ۔سفارتی عملہ ،افسران ، اقوام متحدہ اور بین الااقوامی تنظیمو ں کے ملازمین، یہا ں کام کرنے والے ملازمین کو جاری روزگار ویزا کو اس حکم سے نجات دی گئی ہے۔

ہندوستانی نزاد  کے شہریوں کے لئے ویزا  کے بنا سفر کی سہولت اس مدت کے دوران  مہیا نہیں ہوگی ۔چین ، اٹلی ، ایران ، جنوبی کوریا ، فرانس ، سپین اور جرمنی کے سفر پر 15فروری کے بعدجانے والے ہندوستانی شہریوں  اور غیر ملکیوں  کے ملک میں آنے پر انہیں 14دنوں تک صحت کی نگرانی میں آبادی سے الگ رکھا جائے گا۔حکومت نے اپنے شہریوں کو جب تک ضروری نہ ہو بیرون ملک جانے کی صلاح دی ہے کیونکہ واپس آنے پر انہیں 14دنوں تک نگرانی میں رکھا جا سکتا ہے۔

اس درمیان ڈبلیو ایچ او کے چیف نے بدھوار کو کہا کہ نئے کورونا وائرس کو اب وباء کہاجا سکتا ہے ۔ ڈبلیو ایچ او کے صدر ٹیڈراس گیبریس نے بتا یا کہ کووڈ19کو اب وباء کہا جا سکتا ہے۔ انہوں نے کہا کہ ہم نے کورونا کی ایسی وباء کبھی نہیں دیکھی ہے۔