جنوب مغربی بنگلہ دیش میں اتوار کو ایک مکان میں گیس پائپ لائن میں دھماکہ ہونے سے قریب 7 لوگوں کی موت ہو گئی اور 25  دیگر زخمی ہو گئے۔پولیس نے یہ معلومات دی۔ایک پولیس افسر نے بی ڈی نیوز24کام کو بتایا کہ یہ دھماکہ چٹٹوگرام شہر کے پتھرگھاٹ میں پانچ منزلہ ایک عمارت کے گراؤنڈ فلور پر ہوا۔خبر میں بتایا گیا ہے کہ دھماکے سے عمارت کی بیرونی دیوار گر گئی جس سے وہاں سے گزر رہے پیدل چلنے والے  لوگ زخمی ہو گئے۔

وہیں عمارت کے سامنے واقع ایک دکان کو بھی اس دھماکے سے نقصان پہنچا ہے۔پولیس کے مطابق، ابھی یہ واضح نہیں ہوا ہے کہ اس دھماکے کے پیچھے کی وجہ کیا رہی۔عمارت کا گیس رائزر اس چہار دیواری کے بغل میںہے،  جہاں دھماکہ ہوا ہے۔پولیس افسر کو یہ کہتے ہوئے حوالہ دیا گیا ہے کہ ہو سکتا ہے کہ گیس رائزر(پائپ)میں کوئی دقت آ گئی ہو یا پھر یہ دھماکہ صبح کھانا بنانے کی سرگرمیوں یا سگریٹ کی وجہ سے ہوا ہو۔