انٹرنیشنل ڈیسک: امریکہ کی ریاست مسیسیپی میں اجتماعی فائرنگ(Mass Shooting) کا ایک دل دہلا دینے والا واقعہ سامنے آیا ہے۔ یہاں 24 سالہ ایک نوجوان نے خاندانی جھگڑے اور غصے میں آ کر دیہی علاقے کی تین مختلف جگہوں پر اندھا دھند فائرنگ کی، جس میں اس کے معصوم بچے اور ایک چرچ کے پادری سمیت 6 افراد ہلاک ہو گئے۔
خوفناک منظر، گھر سے چرچ تک لاشیں بچھ گئیں
پولیس تفتیش کے مطابق ملزم ڈیرکا ایم مور نے نہایت سوچ سمجھ کر ایک کے بعد ایک تین وارداتوں کو انجام دیا۔
پہلا حملہ( گھر )
سب سے پہلے مور نے مغربی کلی کاؤنٹی میں واقع اپنے گھر پر والد (67 )سال، بھائی( 33)  سال اور چچا (55 )سال کو گولی مار کر قتل کر دیا۔
دوسرا حملہ (چچیرے بھائی کا گھر )
اس کے بعد وہ اپنے بھائی کا ٹرک چرا کر چند میل دور چچیرے بھائی کے گھر پہنچا۔ وہاں اس نے زبردستی گھس کر جنسی زیادتی کی کوشش کی اور آخر میں سات سالہ معصوم بچی کے سر پر بندوق رکھ کر اسے گولی مار دی۔
تیسرا حملہ(چرچ )
آخر میں ملزم ' دی اپوسٹولک چرچ آف دی لارڈ جیسس'  پہنچا۔ وہاں اس نے چرچ کے پادری اور ان کے بھائی کو قتل کر دیا اور ان کی گاڑی لے کر فرار ہو گیا۔
آئی ایم ڈی الرٹ، شمالی ہندوستان میں سردی کا دوہرا حملہ، درجہ حرارت گرنے سے سردی میں اضافہ، اس ریاست میں شدید بارش کا الرٹ جاری۔
پولیس کی کارروائی اور گرفتاری
واقعے کی اطلاع ملتے ہی پولیس نے پورے علاقے کا محاصرہ کر لیا۔ ملزم کو سیڈر بلف علاقے میں ایک پولیس ناکے پر گرفتار کر لیا گیا۔ گرفتاری کے وقت اس کے پاس سے ایک رائفل اور ایک ہینڈ گن برآمد ہوئی ہے۔ کلی کاؤنٹی کے ڈسٹرکٹ اٹارنی اسکاٹ کولم نے کہا ہے کہ معاملے کی سنگینی کو دیکھتے ہوئے وہ عدالت سے ملزم کے لیے سزائے موت کا مطالبہ کریں گے۔
آخر کیوں اپنوں ہی کا خون بہایا
شیرف ایڈی اسکاٹ نے پریس کانفرنس میں بتایا کہ شواہد سے صاف ہے کہ مور ہی اکیلا شوٹر تھا۔ تاہم اب تک یہ واضح نہیں ہو سکا ہے کہ اس نے اپنے ہی خاندان پر اتنا جان لیوا حملہ کیوں کیا۔ پولیس فی الحال ملزم سے تفتیش کر رہی ہے اور یہ جاننے کی کوشش کر رہی ہے کہ اس کے پاس ہتھیار کہاں سے آئے۔
عدالت میں پیشی
ملزم ڈیرکا مور کو فی الحال کلی کاؤنٹی جیل میں بغیر ضمانت کے رکھا گیا ہے۔ پیر کے روز اسے پہلی بار جج کے سامنے پیش کیا جائے گا، جہاں پولیس اس کے ریمانڈ کی درخواست کرے گی۔