نیشنل ڈیسک: مدھیہ پردیش میں مسلسل بارش سے نظام زندگی بری طرح متاثر ہوا ہے۔ کئی اضلاع میں ندی نالے  اُپھان پر ہیں اور کئی مقامات پر پانی جمع ہوگیا ہے۔ محکمہ موسمیات نے رتلام، مندسور اور نیمچ اضلاع میں انتہائی تیز بارش کے لیے ریڈ الرٹ جاری کیا ہے۔
راج گڑھ ضلع میں اسکولوں اور آنگن واڑی مراکز میں چھٹی
بارش کی وجہ سے راج گڑھ ضلع کے تمام اسکولوں میں  پیر 28 جولائی کو چھٹی کا اعلان کیا گیا ہے۔ ڈسٹرکٹ ایجوکیشن آفیسر کے جاری کردہ حکم نامے کے مطابق اس چھٹی کا اطلاق نرسری سے 12ویں جماعت تک تمام سرکاری اور نجی سکولوں میں ہوگا۔ تاہم اساتذہ کا سکول میں موجود رہنا لازمی ہو گا۔
اس کے ساتھ ہی ضلع کے تمام آنگن واڑی مراکز میں بھی تعطیل کا اعلان کیا گیا ہے۔ لیکن معاونین کو مرکز میں ڈیوٹی پر حاضر ہونا پڑے گا۔
ان اضلاع میں بھی موسلادھار بارش
اتوار کو ریاست کے کئی اضلاع میں موسلادھار بارش ریکارڈ کی گئی۔ جن اضلاع میں بارش ہوئی ان میں شامل ہیں۔
شیوپور، بیتول، بھوپال، دھار، گنا، گوالیار، اندور، رتلام، نرمداپورم، دتیہ، چھندواڑہ، کھنڈوا، مورینہ، شیو پوری، اجین، ودیشہ، ساگر، منڈلا، جبل پور، اشوک نگر، مندسور، نوگاؤں(چھتر پور) ، سیونی، ٹیکم گڑھ، بالاگھاٹ، سیہور، دیواس، شاجا پور، راج گڑھ اور آگر مالوا۔
انتظامیہ نے کی لوگوں سے محتاط رہنے اپیل کی
بارش کی صورتحال کے پیش نظر انتظامیہ نے لوگوں سے اپیل کی ہے کہ وہ بغیر کسی اہم وجہ کے گھروں سے نہ نکلیں اور پانی جمع ہونے کی جگہ یا ندیوں اور نالوں کے قریب جانے سے گریز کریں۔