نیشنل ڈیسک:  پہلگام میں  ہوئے  دہشت گردانہ حملے کے بعد ہندوستانی فوج ہائی الرٹ پر ہے۔ اس سلسلے میں غازی آباد کے ہنڈن ایئر فورس اسٹیشن پر بھی حفاظتی انتظامات سخت کر دیے گئے ہیں۔ یہاں فضائیہ کے طیارے مسلسل آسمان پر اڑتے نظر آرہے ہیں جس کی وجہ سے علاقے میں افرا تفری ہے۔
مقامی ذرائع کے مطابق ہنڈن ایئر فورس اسٹیشن سے طیارے یکے بعد دیگرے ٹیک آف کر رہے ہیں۔ مقامی لوگوں کا کہنا ہے کہ گزشتہ تقریبا تین دنوں سے فضائیہ کے طیارے مسلسل آسمان پر چکر لگا رہے ہیں اور یہ سلسلہ شام تک جاری  رہتا ہے۔ کچھ لوگوں کا خیال ہے کہ فضائیہ ممکنہ جنگی صورت حال کے لیے تیاری(مشق)کر رہی ہے۔قومی سلامتی کے نقطہ نظر سے، ہنڈن ایئر فورس اسٹیشن شمالی ہندوستان، خاص طور پر پاکستان اور چین کے ساتھ سرحدوں کی نگرانی اور کسی بھی ہنگامی صورتحال میں فوری ردعمل دینے کے لیے ایک اہم مقام ہے۔
 یہ اسٹیشن جنگ جیسے حالات میں فوری کارروائی کے لیے ہمیشہ تیار رہتا ہے۔ ذرائع نے یہ بھی بتایا ہے کہ فوج کو بھی الرٹ کر دیا گیا ہے۔غازی آباد کے ہنڈن ایئر فورس اسٹیشن کے تمام طیاروں کو الرٹ رہنے کا حکم دیا گیا ہے۔ اس کے علاوہ ہیلی کاپٹر بھی نگرانی کے لیے مسلسل آسمان پر گشت کر رہے ہیں جس کی وجہ سے فضائی حدود کی بھی کڑی نگرانی کی جا رہی ہے۔
 مزید احکامات کا انتظار ہے۔ یہ بھی کہا جا رہا ہے کہ فوج اس دہشت گردانہ حملے کا منہ توڑ جواب دینے کی تیاری کر رہی ہے، حالانکہ ابھی تک اس حوالے سے کوئی سرکاری بیان جاری نہیں کیا گیا ہے۔کہا جاتا ہے کہ ہنڈن ائیر بیس ایشیا کے سب سے بڑے ائیر بیس میں سے ایک ہے اور ہندوستانی فضائیہ کے طیاروں کا ایک بڑا بیڑا یہاں موجود ہے۔ 
ہندوستانی فضائیہ کی نقل و حمل اور ہیلی کاپٹر سکواڈرن کا ایک اہم دستہ اس ائیر بیس پر تعینات ہے۔ یہاں سے لڑاکا طیارے جیسے  MiG-29 اور سکھوئی  ،  ٹرانسپورٹ طیارے اور  C-130J Super Hercules   جیسے  ہیلی کاپٹر یہاں  اڑان بھرتے ہیں ، جو اسے حکمت عملی کے لحاظ سے ایک اہم ہوائی اڈہ بناتے ہیں۔