نئی دہلی : ایودھیا تنازعہ پر سپریم کورٹ کا فیصلہ آنے سے پہلے اترپردیش انتظامیہ نے ایودھیا میں سکیورٹی سخت کردی ہے ۔ ضلع افسر انوج جھا نے کہا کہ ایودھیا میں آنے والے ملاقاتی اور دیپاولی کے تہوار پر دفعہ 144 کا کوئی اثر نہیں ہوگا ۔ اس سے پہلے سپریم کورٹ کے چیف جسٹس رنجن گوگوئی نے کہا تھا کہ ایودھیا معاملے کی سماعت  17 اکتوبر کو ختم ہوگی ۔ 

الٰہ آباد ہائی کورٹ کے 2014 کے فیصلے کے خلاف عدالت عظمیٰ 14 اپیلوں پر شنوائی کررہی ہے ۔ بنچ نے اس معاملے میں عدالت کی کارروائی پوری کرنے کیلئے وقت طے کیا تھا اور اس کیلئے 17 اکتوبر کی تاریخ کی طے کی تھی ۔  بنچ کے ممبران میں جسٹس ایس اے بوبڈے ، جسٹس ڈی وائی چندرچوڑ، جسٹس اشوک بھوشن اور جسٹس ایس نظیر بھی شامل ہیں ۔