کولکتہ: مغربی بنگال کی وزیر اعلیٰ ممتا بنرجی نے جمعرات کو کہا کہ کانگرس کی صدر سونیا گاندھی کی طرف سے 13 جنوری کو بلائی گئی اپوزیشن جماعتوں کی میٹنگ کا وہ بائیکاٹ کریں گی۔انہوں نے کہا کہ بدھ کو کاروبای نینوں کے بند کے دوران ریاست میں بائیں بازو اور کانگرس کارکنوں کی طرف سے کئے گئے  مبینہ تشدد کے خلاف انہوں نے اجلاس کے بائیکاٹ کا فیصلہ کیا ہے۔ 
بتادیں کہ کاروباری یونینوں کے 24 گھنٹے کے ملک بھر میں بند کے دوران مغربی بنگال میں تشدد اور آگ زنی کے واقعات ہوئے ہیں۔مظاہرین نے ریل اور سڑک ٹریفک میں خلل ڈالنے کی بھی کوشش کی۔بنرجی نے کہا کہ بائیں  بازواور کانگرس کے 'ڈبل رویے' کو برداشت نہیں کیا جائے گا۔
وزیر اعلیٰ نے اسمبلی میں کہا، '' میں نے نئی دہلی میں 13 جنوری کو سونیا گاندھی کی طرف سے بلائی گئی میٹنگ کا بائیکاٹ کرنے کا فیصلہ کیا ہے کیونکہ میں بائیں اور کانگرس کی طرف سے گزشتہ کل (بدھ) مغربی بنگال میں کئے گئے  تشدد کی حمایت نہیں کرتی ہوں۔ 
قابل ذکر ہے  کہ شہریت  ترمیمی قانون، 2019 کے معاملے پر مختلف یونیورسٹیوں کے کیمپس میں تشدد اور ملک بھر میں ہو رہے احتجاج کے نتیجے میں صورت حال پر بحث کے لئے سونیا گاندھی نے بایاں محاذ سمیت تمام اپوزیشن جماعتوں کی میٹنگ بلائی ہے۔