نئی دہلی: وزیر اعظم نریندر مودی کی صدارت میں منگل کو مرکزی وزارت سیاحت کی ایک اعلیٰ سطحی جائزہ میٹنگ ہوئی۔ میٹنگ میں وزارت کے کام کاج اور آئندہ کے لائحہ عمل کے حوالے سے تفصیلی فیڈ بیک حاصل کیا گیا۔
اس میٹنگ میں ثقافت اور سیاحت کے مرکزی وزیر گجیندر سنگھ شیخاوت کے ساتھ محکمہ کے سینئر افسران موجود تھے۔ مسٹر شیخاوت نے کہا کہ وزیر اعظم مودی نے ہندوستان کے سیاحت کے شعبے کو فروغ دینے کے بارے میں جائزہ میٹنگ میں رہنمائی فراہم کی۔ انہوں نے کہا کہ وزیر اعظم مودی سیاحت کی ترقی کو ملک کی سماجی و اقتصادی زندگی میں بہتری سے جوڑتے ہیں، اس لیے وہ ہ ہندوستان کو دنیا کا ایک قابل اعتماد اور آسان سیاحتی مقام بنانے کے لیے پالیسی میں مسلسل بہتری کی حوصلہ افزائی کرتے ہوئے ہر بار ’انکریڈیبل انڈیا‘ دیتے ہیں۔
مودی حکومت کی مختلف اسکیمیں ہندوستان کو دنیا کا ایک قابل اعتماد اور آسان سیاحتی مقام بنانے میں اہم کردار ادا کررہی ہیں جن میں پرساد اور سودیش درشن اسکیمیں خاص ہیں۔ پرساد اسکیم کا مقصد ملک میں اہم تیرتھ استھلوں کی جامع ترقی کرنا ہے، اس طرح مذہبی سیاحت کو فروغ دینا اور مقامی معیشت کو مضبوط کرنا ہے۔ اس اسکیم کے تحت اب تک 1,646.99 کروڑ روپے کے 48 پروجیکٹوں کو منظوری دی گئی ہے، جن میں سے 23 پروجیکٹ مکمل ہوچکے ہیں۔ سودیش درشن اسکیم کا مقصد تھیم پر مبنی ٹورسٹ سرکٹس تیار کرنا ہے۔