ممبئی:بالی ووڈ اداکارہ ہیما مالنی جنوبی ہند کے فلم ڈائریکٹر ایس ایس راجامولی کے ساتھ کام کرنا چاہتی ہیں۔ ہیما مالنی سے پوچھا گیا کہ کیا وہ ایس ایس راجامولی کے ساتھ کام کرنا چاہیں گی؟ اس سوال کے جواب میں، انہوں نے کہااگر ایس ایس راجامولی جی مجھے ایک اچھے کردار کی پیشکش کرتے ہیں، تو میں ان کے ساتھ کام کرنا ضرور پسند کروں گی۔

ہیما مالنی کافی عرصے سے فلم انڈسٹری سے دور ہیں۔ جب ان سے پوچھا گیا کہ وہ دوبارہ فلموں میں کب واپس آئیں گی۔ اس سوال کے جواب میں انہوں نے کہامیں کوئی فلم یا ویب سیریز اسی وقت کروں گی جب مجھے صحیح کردار ملے گا۔ میں ایک اداکارہ ہوں۔ میں صرف اس صورت میں اداکاری کرنا پسند کروں گا جب کوئی اچھا کردار ہو۔