انٹرنیشنل ڈیسک: امریکی صدر ڈونالڈ ٹرمپ نے چین کے خلاف سخت رویہ اختیار کرتے ہوئے کہا ہے کہ اگر چین امریکہ کو مناسب مقدار میں نایاب زمینی مقناطیس  فراہم نہیں کرتا تو امریکہ  ان پر 200  فیصد تک بھاری ٹیرف(امپورٹ ڈیوٹی)لگا سکتا ہے۔ ٹرمپ نے یہ بیان اوول آفس میں صحافیوں سے بات کرتے ہوئے دیا، جہاں وہ جنوبی کوریا کے صدر لی جے میونگ سے ملاقات کر رہے تھے۔ انہوں نے کہا کہ امریکہ اور چین کے درمیان اچھے تعلقات قائم ہو سکتے ہیں لیکن تجارت پر تنا ؤ بدستور برقرار ہے۔
ٹرمپ نے کیا کہا؟
ٹرمپ نے کہا: چین کے پاس کچھ  پتّے ہیں ، ہمارے پاس بھی کچھ پتے ہیں ، لیکن میں نہیں چاہتا کہ مجھے اپنے پتوں کا استعمال کرنا پڑے ، اگر میں نے ایسا کیا تو چین برباد ہو جائے گا۔
اس بیان کے ساتھ ٹرمپ نے اشارہ دیا کہ امریکہ کے پاس چین کے خلاف ایسے آپشنز موجود ہیں، جنہیں اگر استعمال کیا جائے تو چین کی معیشت پر گہرے اثرات مرتب ہو سکتے ہیں۔ تاہم، انہوں نے یہ واضح نہیں کیا کہ آیا وہ "پتّے" سیاسی ہیں، اسٹریٹجک ہیں یا اقتصادی ہیں۔
چینی صدر شی جن پنگ سے بات چیت
ٹرمپ نے یہ بھی کہا کہ انہوں نے حال ہی میں چینی صدر شی جن پنگ سے بات کی ہے اور وہ جلد ہی چین کا دورہ کر سکتے ہیں۔ انہوں نے کہا: میں اس سال یا اس کے فورا بعد چین کا دورہ کر سکتا ہوں۔ شی جن پنگ نے مجھے مدعو کیا ہے۔
نایاب زمینی میگنیٹ (مقناطیس) پر تنازع کیوں؟
نایاب زمینی مقناطیس موبائل فونز، الیکٹرک کاروں، فوجی سازوسامان اور ہائی ٹیک مشینوں میں استعمال ہوتے ہیں۔ چین دنیا میں ان کا سب سے بڑا پروڈیوسر اور برآمد کنندہ ہے۔ حال ہی میں چین نے امریکہ کو ان میگنیٹ کی سپلائی کم کرنے کا عندیہ دیا ہے جس سے امریکہ کی تشویش بڑھ گئی ہے۔ امریکہ چاہتا ہے کہ چین ان ضروری وسائل کی فراہمی بند نہ کرے۔
ٹرمپ کی پرانی پالیسی: ٹیرف کے ساتھ دباؤ پیدا کرنا
12 اگست کو ٹرمپ نے چین پر اضافی محصولات کو 90 دن کے لیے ملتوی کر دیا تھا۔ انہوں نے یہ فیصلہ ایک ایگزیکٹو آرڈر پر دستخط کرتے ہوئے لیا اور سوشل میڈیا پر اس کی اطلاع دی۔ اب نئی ڈیڈ لائن 9 نومبر مقرر کی گئی ہے۔
اس سے قبل 11 مئی کو جنیوا میں امریکہ اور چین کے درمیان تجارتی معاہدے پر اتفاق ہوا تھا، جس میں چین نے میگنیٹ اور ضروری معدنیات کی برآمد میں امریکہ کو کچھ رعایتیں دینے کا وعدہ کیا تھا۔
ٹرمپ انتظامیہ نے ایک موقع پر چین سے آنے والی اشیا پر 245 فیصد تک ٹیرف لگانے کی دھمکی دی تھی۔ چین نے جواب میں 125 فیصد ٹیرف لگانے کی بات کی تھی لیکن جنیوا معاہدے کے بعد دونوں ممالک نے اس پر عمل درآمد نہیں کیا۔
امریکی حکمت عملی: خود انحصاری کی طرف قدم
ٹرمپ نے کہا کہ امریکہ اب اپنی مقناطیس پروڈکشن چین تیار کرنے کی سمت میںکام کر رہا ہے۔ ان کا کہنا ہے کہ اگلے ایک سال میں امریکہ اپنے لیے نایاب زمین کے مقناطیس بنانے کے قابل ہو جائے گا۔
جھلکیاں:

• ٹرمپ نے چین کو خبردار کیا: اگر میگنیٹ نہیں ملے تو 200 فیصد ٹیرف عائد کیا جائے گا۔
• امریکہ اور چین کے درمیان تجارتی کشیدگی جاری ہے۔
• ٹرمپ نے کہا کہ وہ چین کے ساتھ اچھے تعلقات چاہتے ہیں لیکن ان کے پاس ایسے پتے ہیں جو چین کو تباہ کر سکتے ہیں۔
• شی جن پنگ سے بات چیت کے بعد ٹرمپ چین کا دورہ کر سکتے ہیں۔
• امریکہ نے فی الحال ٹیرف میں اضافے کو 90 دنوں کے لیے ملتوی کر دیا ہے۔