واشنگٹن : امریکہ کے صدر ڈونالڈ ٹرمپ نے پیر کے روز کہا کہ امریکی لوگ ہفتے کے آخر میں دہشت گرد تنظیم اسلامک سٹیٹ (آئی ایس ) کا سرغنہ ابو بکر البغدادی کے خلاف چلائی گئی امریکی خاص فورسز کی مہم کے کچھ حصوں کو دیکھ سکتے ہیں ۔
بغدادی نے گرفتاری سے بچنے کیلئے خود کو تین بچوں کے ساتھ اڑا لیا تھا ۔ ٹرمپ نے ایئر فورس ون کے شکاگو روانہ ہونے سے پہلے بغدادی کو موت کی دہلیز پر پہنچانے والے امریکی جوانوں کی مہم کا ویڈیو فٹیج جاری کرتے ہوئے کہا ،' سوال یہ ہے کہ کیا میں چھاپے ماری کے ویڈیو فٹیج کو جاری کرنے پر غور کر رہا ہوں ، اور کیا ہم اس کے کچھ حصوں کو لے سکتے ہیں اور اسے جاری کر سکتے ہیں تو اس کا جواب ہاں ہے ۔ '
ٹرمپ نے اتوار کے روز بغدادی کے مارے جانے کا اعلان کرتے ہوئے کہا کہ چھاپے کے دوران بغدادی کا امریکی فوجی کتوں کے ذریعے ایک زمینی سرنگ کے آخر تک پیچھا کیا گیا ۔ انہوں نے دعویٰ کیا کہ بھاگتے وقت بغدادی چلایا ، رویا اور سبھی طرح کی گہار لگائی ۔
انہوں نے کہا کہ بغدادی نے اس وقت تینوں بچوں کے ساتھ خود کو اڑا لیا ۔ جب وہ سرنگ کے آخر میں جاکر پھنس گیا اور اس نے اپنے کچھ ساتھیوں سمیت خود کو اڑا لیا