نیشنل ڈیسک:وزیر خارجہ ایس جے شنکر نے ووہان میں پھنسے ہندوستانیوں کو نکال کر لانے میں حکومت کی کوششوں کی تعریف کی۔ نئی دہلی میں اتوار کو تمل ایسوسی ایشن کے پروگرام میں خطاب کرتے ہوئے  جے شنکر  نے سیاست میں آنے کی کہانی بتائی۔ انہوں نے کہا کہ میرے سیاست میں شامل ہونے کی ایک وجہ یہ ہے کہ میں نے اس حکومت کو اصلاحات اور سدھار کے بارے میں بات کرتے دیکھا۔ پہلی بار، ہمارے پاس ایک حکومت ہے جس کے سدھارکا مطلب ہے غذائیت، لڑکی کی تعلیم، متوسط خدمات۔تب مجھے لگا کہ مجھے بھی سدھار لانے  میں اہم کردار ادا کرنا چاہئے۔

وزیر خارجہ نے کہا کہ گزشتہ پانچ سالوں میں اس حکومت کے تحت ہم نے ایک ایسا نظام تیار کیا ہے جس کے ذریعے دنیا میں کہیں بھی، کسی بھی ہندوستانی کو پریشانی ہوتی ہے تو ہم ان کی دیکھ بھال کرتے ہیں۔ ہم وہاں ان کے لئے موجود ہیں ۔جے  شنکر نے  نریندر مودی کی قیادت والی حکومت کو ووہان کے کورونا  وائرس  سے  متاثر چینی شہر سے 647 سے زائد ہندوستانیوں کو نکالنے کی کوششوں کی تعریف کی اور کہا کہ ہندوستان میں دنیا میں کہیں بھی پریشان ہندوستانیوں تک پہنچنے کی اپنی ذمہ داری سمجھتا ہے۔

مرکزی وزیر نے مزید کہا کہ آج بھی ایسا ہو رہا ہے، مثال کے طور پرہمارے  کئی طالب علم چینی شہر ووہان میں تھے،ہم نے حقیقت میں  سخت محنت  سے  انہیں واپس لایا۔آج ملک میں یہ احساس ہے کہ وہ ہمارے لوگ ہیں اور ہماری ذمہ داری ہے۔ ہم اپنے لوگوں کی دیکھ بھال کریں گے۔