انٹرنیشنل ڈیسک: تھائی لینڈ سے چونکا دینے والی خبر سامنے آئی ہے۔ یہاں ایک شخص نے تقریباً ایک ماہ تک صرف بیئر پی کر خود کو زندہ رکھنے کی کوشش کی لیکن آخرکار وہ مر گیا۔ اس کے گھر سے بیئر کی 100 سے زیادہ خالی بوتلیں ملی ہیں، جنہیں فرش پر بڑے طریقے سے سجاکر رکھا گیا تھا۔

واقعہ کیسے ہوا؟

یہ واقعہ تھائی لینڈ کے صوبہ ریونگ کے ضلع بان چانگ کا ہے۔ پچھلے ہفتے سیام ریونگ فاو¿نڈیشن کو اطلاع ملی کہ ایک گھر میں رہنے والے ایک شخص کو دورہ پڑا ہے اور وہ بے ہوش ہو گیا ہے۔ جب امدادی کارکن موقع پر پہنچے تو انہوں نے دیکھا کہ وہ مر چکا تھا۔

یہ شخص کون تھا؟

متوفی کی شناخت 44 سالہ تھاویسک نامونگسا کے نام سے ہوئی ہے۔ وہ طلاق یافتہ تھا اور ایک 16 سالہ بیٹے کا باپ تھا۔ بیٹے کے مطابق ان کے والد نے گزشتہ ایک ماہ سے کھانا پینا مکمل طور پر ترک کر دیا تھا اور وہ صرف بیئر پی رہے تھے۔

کمرہ بیئر کی خالی بوتلوں سے گھرا ہوا تھا۔

جب امدادی کارکن وہاں پہنچے تو بیئر کی 100 سے زائد خالی بوتلیں کمرے میں فرش پر بڑے طریقے کے ساتھ رکھی تھیں۔درمیان میں صرف اتنی جگہ تھی کہ بستر تک آ جا سکے ۔ بیٹے کا کہنا تھا کہ وہ اسکول سے آنے کے بعد ہر روز اپنے والد کے لیے کھانا بناتا تھا لیکن انہوں نے کبھی نہیں کھا یا تھا۔

طلاق کے بعد بڑھا تناو ، سہارا بنی شراب

بیٹے کے مطابق تھاویسک طلاق کے بعد ذہنی طور پر ٹوٹ چکے تھے۔ انہوں نے تناو¿ سے نجات کے لیے شراب کا سہارا لیا اور آہستہ آہستہ کھانے کے بجائے صرف بیئر پینا شروع کر دیا۔

صرف بیئر پینے سے کیوں ہوتا ہےنقصان ؟

بیئر میں کیلوریز تو ہوتی ہیں، لیکن اس میں ضروری غذائی اجزاء نہیں ہوتے۔ اسے طویل عرصے تک کھانے کے متبادل کے طور پر لینا جسم میں غذائیت کی کمی کا باعث بنتا ہے۔ اس کے علاوہ، بیئر میں موجود الکحل جگر کو شدید نقصان پہنچا سکتی ہے، جس سے موت کا خطرہ بڑھ جاتا ہے۔

ڈاکٹروں نے کیا کہا؟

ماہرین صحت کے مطابق کوئی بھی شخص صرف بیئر پی کر زیادہ دیر تک زندہ نہیں رہ سکتا کیونکہ جسم کو وٹامنز، پروٹین اور منرلز کی ضرورت ہوتی ہے۔ ان کی کمی کی وجہ سے جسم کمزور ہو جاتا ہے اور آہستہ آہستہ کام کرنا بند کر دیتا ہے۔