نئی دہلی: شیوسینا نے ایک بار پھر اپنے اخبار' سامنا' کے ذریعے پاکستانی اور بنگلہ دیشی مسلمان گھس پیٹھیوں  پر نشانہ لگایا ہے۔ شیوسینا نے اپنے ترجمان اخبار سامنا میں لکھا کہ ملک میں گھسے پاکستانی اور بنگلہ دیشی مسلمانوں کو باہر نکال پھینکنا چاہئے۔شیوسینا نے سامنا میں کہا کہ پاکستانی اور بنگلہ دیشی مسلمانوں کو باہر نکالنے کے لئے کسی سیاسی پارٹی کو اپنا جھنڈا   بدلنا  پڑے، یہ مذاق ہے۔ دوسری بات یہ کہ اس کے لئے ایک نہیں، دو جھنڈوں کی منصوبہ بندی بنانا یہ پریشان  یا پھسلتی گاڑی کی  علامات ہیں۔
وہیں اس سے پہلے شیوسینا نے کہا کہ احتجاج کے سر کو دبانے کی کوشش کر رہے ہیں اور یہی ایک وجہ ہے کہ بھارت 2019 جمہوریت انڈیکس کی عالمی درجہ بندی میں 10 مقام پر لڑھک گیا ہے۔ شیوسینا کے اداریہ  میں کہا گیا کہ معیشت میں سستی سے عدم اطمینان اور عدم استحکام بڑھ رہا ہے اور یہ ملک میں بنے حالات سے ظاہر ہے۔مراٹھی اخبار میں کہا گیا، اب(اقتصادی سُستی کے بعد)عالمی جمہوریت انڈیکس کی درجہ بندی (بھارت کے) بھی لڑھک گئی۔
دراصل، دی اکانومسٹ انٹیلی جنس یونٹ(ای آئی یو )کی طرف 2019 کے لئے جمہوریت انڈیکس کی عالمی فہرست میں بھارت 10 مقام لڑھک کر 51 ویں مقام پر آ گیا ہے۔تنظیم نے اس زوال کی اہم وجہ ملک میں شہری آزادی کا ہراس بتایا ہے۔ اخبار نے کہا کہ آرٹیکل 370 کے زیادہ تر دفعات کو ختم کرنے، نیا شہریت قانون  سی اے اے  اور مجوزہ این آر سی  کے خلاف مظاہرے  اس کی وجہ  ہیں۔