انٹرنیشنل ڈیسک: حکومت پاکستان نے قومی اسمبلی کے اسپیکر اور سینیٹ کے چیئرمین کی ماہانہ تنخواہ میں باضابطہ طور پر 13 لاکھ روپے کا اضافہ کردیا ہے۔ میڈیا نے ہفتہ کو یہ اطلاع دی۔ نئی تنخواہ ان کی سابقہ 2,05,000 روپے کی تنخواہ سے بہت زیادہ ہے۔ 'سماء' ٹی وی کی خبر کے مطابق وزارت پارلیمانی امور نے 29 مئی کو نوٹیفکیشن جاری کیا تاہم تفصیلی معلومات جمعہ کو سامنے آئیں۔
نوٹیفکیشن کے مطابق دونوں اہلکاروں کی ماہانہ تنخواہ 13 لاکھ روپے مقرر کی گئی ہے اور اس کے علاوہ انہیں 50 فیصد اضافی رقم بھی عارضی الاو¿نس کے طور پر ملے گی۔ نظرثانی شدہ پے سکیل یکم جنوری 2025 سے سابقہ اثر کے ساتھ نافذ العمل ہو گا۔اس سے قبل 21 مارچ کو بتایا گیا تھا کہ وفاقی کابینہ کے ارکان کی تنخواہوں اور الاونسز میں نمایاں اضافہ کیا گیا ہے۔ وفاقی وزرائ، وزرائے مملکت اور مشیروں کی تنخواہوں میں 188 فیصد تک اضافہ کیا گیا ہے۔
مرکزی وزراء اور وزرائے مملکت (الاو¿نسز اور تنخواہ) ایکٹ، 1975 میں ترمیم کو منظوری دی گئی، جس سے ان اضافے کی راہ ہموار ہوئی۔ بل کی منظوری کے بعد مرکزی وزیر، وزیر مملکت اور مشیر کی نظر ثانی شدہ تنخواہ 5,19,000 روپے ہو جائے گی۔ پہلے مرکزی وزراء کو 2,00,000 روپے ملتے تھے، جب کہ ریاستی وزراء کو 1,80,000 روپے ملتے تھے۔