انٹرنیشنل ڈیسک:  کینیڈا اب  ہندوستان  کے تمام بڑے گینگسٹر اور مجرموں کے لیے ایک محفوظ ٹھکانہ بن چکا ہے جہاں سے وہ بیخوف ہو کر اپنا گورکھ دھندہ (غیرقانونی سرگرمیاں)چلا رہے ہیں۔ ایک بار پھر کینیڈا میں  ہندوستانی  نژاد گینگسٹرز کے درمیان خونی گینگ وار کا اشارہ ملا ہے۔ تازہ واقعہ میں، پنجابی سنگر تیجی کہلوں پر حملہ ہوا ہے جس کی ذمہ داری مشہور روہت گودارا گینگ نے لی ہے۔ یہ حملہ کینیڈا میں بڑھتے ہوئے منظم جرم اور گینگسٹرز کے  کھلے چیلنج کو دکھاتا ہے۔ فائرنگ  کے ایک اور واقعہ کے بعد گودارا گینگ نے سوشل میڈیا پر سرعام اس کی ذمہ داری لیتے ہوئے ایک دھمکی بھرا پوسٹ کیا ہے۔ اس سے پہلے اس علاقے میں لارنس بشنوئی گینگ کی طرف سے بھی کئی بار فائرنگ کی جا چکی ہے۔
سوشل میڈیا پر غداری کا حساب
فائرنگ کے اس واقعہ کی اطلاع گودارا گینگ نے خود سوشل میڈیا پر دی ہے۔ مہندر_سرن_دلانا، راہل_رِناؤ  اور وکی_فلوان نامی  ہینڈلز سے کی گئی اس پوسٹ میں گینگ نے تیجی کہلوں نامی شخص پر گولی باری کی ذمہ داری لی ہے۔
گودارا گینگ کے پوسٹ کی اہم باتیں
گینگ نے قبول کیا کہ کینیڈا میں تیجی کہلوں پر جو گولی باری ہوئی ہے وہ انہوں نے کروائی ہے۔ انہوں نے یہ بھی بتایا کہ کہلوں کے پیٹ میں گولیاں لگی ہیں اور وارننگ دی ہے کہ "اگر اس سے اسے سمجھ آیا تو ٹھیک نہیں تو اگلی بار مار دیں گے!"۔

گینگ نے کہا کہ تیجی کہلوں ان کے دشمنوں کو پیسہ (مالی امداد)اور ہتھیار (اسلحہ) سپلائی کرتا تھا۔ اس کے علاوہ وہ کینیڈا میں ان کے گرگوں کی مخبری  کرتا تھا اور ان پر حملے کی منصوبہ بندی کرتا تھا۔
پوسٹ میں کھلی دھمکی دی گئی ہے کہ "ہماری بھائیوں کی طرف دیکھنا تو دور کی بات اگر کوئی سوچے گا بھی تو وہ حال کریں گے جو تاریخ کے صفحات میں گونجے گا!"۔
بلڈروں، تاجروں کو وارننگ
گودارا گینگ نے اس پوسٹ میں واضح وارننگ جاری کرتے ہوئے بلڈروں، تاجروں، حوالہ کاروباریوں اور عام لوگوں کو تیجی کہلوں کو کسی بھی طرح کی مدد نہ کرنے کو کہا ہے۔
گینگ نے لکھا کہ اگر کسی نے اس غدار کو فنانشل سپورٹ کی اور ہمیں پتا لگ گیا تو اس کے گھر خاندان تک کو نہیں بخشا جائے گا! اس کا وِناش ہی کر دیں گے!"۔
پوسٹ کا اختتام دھمکی بھرے الفاظ سے ہوتا ہے: "ابھی تو شروعات ہوئی ہے! آگے آگے دیکھو ہوتا ہے کیا!"۔
کینیڈا میں مسلسل ہو رہی گینگ وار کے یہ واقعات نہ صرف مقامی ہندوستانی کمیونٹی کے لیے تشویش کا باعث بن گئی ہیں بلکہ ہندوستانی ایجنسیوں کے لیے بھی ایک بڑا  چیلنج پیش کر رہی ہیں۔