کولکتہ: مغربی بنگال کی وزیر اعلیٰ ممتا بینر جی نے ترمیمی شہریت قانون کے خلاف ریاست میں مختلف مقامات پر پر تشدد مظاہرے اور توڑ پھوڑ کرنے والوں کو ہفتے کو کارروائی کی وارننگ دی ہے ۔بینر جی نے لوگوں سے امن قائم کرنے اور جمہوری طریقے سے مظاہرے کرنے کی درخواست کی۔
وزیر اعلیٰ کے دفتر سے جاری بیان میں کہا گیا کہ انہوں نے کہا کہ ' قانون اپنے ہاتھوں میں مت لیجئے۔ سڑک اور ریل ٹریفک جام مت کیجئے ۔ سڑکو ں عام لوگوں کے پریشانی کھڑی مت کیجئے'۔ انہوں نے کہا کہ 'سرکادی جائیداد کو نقصان مت پہنچائیے۔ جو لوگ پریشانیاں کھڑی کرنے کے قصوروار پائے جائیں گے ان کے خلاف سخت کارروئی کی جائے گی '۔
وزیر اعلیٰ نے دوہرایا کہ ترمیمی شہریت قانون اور این آر سی کا ریاست میں کوئی اثر نہیں پڑے گا ۔انہوں نے کہا کہ ' ہماری اپیل ہے کہ لوگوں کے درمیان بھرم مت پھیلائیے'۔ترمیمی شہریت قانون کو لیکر ملک پوری ریاست میں مظاہرے ہو رہے ہیں اور لوگ ریلوے سٹیشنوں پر توڑ پھوڑ کر رہے ہیں۔ وہ اس قانون کو فوراً واپس لینے کا مطالبہ کر رہے ہیں۔