نیشنل ڈیسک: امریکی صدر ڈونالڈ ٹرمپ اپنی بیوی میلانیا کے ساتھ آگرہ پہنچے ، جہاں تاج محل کے دیدار کے ساتھ ٹرمپ نے  وزیٹر بک میں اپنا پیغام لکھا ۔جس میں انہوں نے لکھا کہ  واہ تاج۔ اس دوران  ٹرمپ کو گجائیڈر کی جانب سے تاج محل کی خصوصیات کے بارے میں بتایا گیا ۔ جس کو سن کر دونوں کافی متاثر ہوئے ۔

اس دوران میلانیا کافی خوش دکھائی  دیں ۔ان کے چہرے پر مسکان صاف دیکھی جا سکتی ہے ۔دونوں نے  تج محل کے سامنے تصاویر بھی کھنچوائیں۔ ان کے ساتھ انکی بیٹی ایوانکا ، داماد جیریڈ کشنر بھی موجود ہیں۔

گورنر آنندی بین  اور  وزیر اعلیٰ یوگی  نے کیا سواگت
 طے وقت کے مطابق امریکی صدر ڈونالڈ  ٹرمپ بیوی میلانیا کے ساتھ آگرہ پہنچے۔ جہاں پہلے ہی موجود اترپردیش کی گورنر آنندی بین پٹیل اور وزیر اعلیٰ یو گی آدتیہ ناتھ نے ان کا شاندار خیر مقدم کیا۔ اس کے بعد  صدر براہ راست تاج محل کے لئے روانہ ہوگئے ۔ 

بتا دیں کہ ٹرمپ تاج محل دیکھنے آئے ہیں۔  اس دوران فنکاروں نے رقص کرکے ٹرمپ کا خیر مقدم کیا، قریب 7-8 منٹ تک ٹرمپ خاندان نے فنکاروں کا رقص دیکھا اور اس سراہا۔ اس کے بعد وہ ایئرپورٹ سے نکل گئے۔