لندن: ’فلسطین ایکشن‘ گروپ پر پابندی کے خلاف برطانوی پارلیمنٹ کے باہر لوگوں کی بڑی تعداد نے احتجاج کیا، جس کے بعد پولیس نے 400 مظاہرین کو گرفتار کرلیا۔ برطانوی حکومت نے 'فلسطین ایکشن' گروپ کو دہشت گرد تنظیم قرار دے رکھا ہے اور اس کے خلاف مظاہرین پارلیمنٹ کے باہر جمع ہوئے تھے۔ اس مظاہرے کا اہتمام کرنے والے گروپ 'ڈیفنڈ آور جیوریز' کا کہنا تھا کہ لندن میں ہونے والے مظاہرے میں 1500 افراد نے شرکت کی اور انھوں نے 'میں نسل کشی کی مخالفت کرتا ہوں، فلسطینی کارروائی کی حمایت کرتا ہوں' جیسے نعرے والے پوسٹر اٹھا رکھے تھے۔

https://x.com/AmmarKh12669255/status/1964334375589597590

چند ہی منٹوں میں، پولیس نے مظاہرین کو گرفتار کرنا شروع کر دیا، جب کہ راہگیر 'شرم کرو' اور 'پولیس سے ملو، ایک طرف کا انتخاب کرو، انصاف یا نسل کشی' کے نعرے لگا رہے تھے۔ احتجاج شروع ہونے کے آٹھ گھنٹے بعد، پولیس نے کہا کہ انہوں نے 425 سے زائد افراد کو گرفتار کیا ہے، جن میں سے 25 افسران پر حملہ کرنے یا امن عامہ کے جرائم اور باقی دہشت گردی ایکٹ کے تحت کیس درج ہیں۔