نیشنل ڈیسک: وزیر اعظم نریندر مودی پیر کی شام چین سے نئی دہلی واپس پہنچے۔ دہلی پہنچتے ہی انہوں نے پنجاب کے وزیر اعلیٰ بھگونت مان کو فون کیا اور ریاست میں مسلسل موسلادھار بارش اور سیلاب کی صورتحال پر تبادلہ خیال کیا۔ حکومتی ذرائع کا کہنا ہے کہ وزیراعظم نے پنجاب کو ہر قسم کی مدد کی یقین دہانی کرائی ہے۔

https://x.com/ANI/status/1962538632088306044
پنجاب کے 9 اضلاع میں سیلابی صورتحال بدستور تشویشناک ہے جس سے وہاں کا نظام زندگی متاثر ہواہے۔ وزیر اعظم مودی نے کہا کہ مرکزی حکومت پنجاب حکومت کے ساتھ مل کر امدادی کاموں کو تیز کرے گی اور سیلاب زدگان کی مدد کے لیے تمام وسائل فراہم کرے گی۔
پنجاب میں کالجز اور یونیورسٹیاں 3 ستمبر تک بند
بارش اور سیلاب کی وجہ سے، پنجاب حکومت نے ریاست کے تمام کالج، یونیورسٹیز اور پولی ٹیکنک انسٹی ٹیوٹ کو 3 ستمبر تک بند کرنے کا حکم دیا ہے۔
انہوں نے کہا کہ ہاسٹلز میں مقیم طلباءکی حفاظت کی ذمہ داری متعلقہ انتظامیہ کی ہوگی۔ نیز، ہر ایک سے اپیل کی گئی ہے کہ وہ مقامی حکام کی طرف سے جاری کردہ حفاظتی ہدایات پر عمل کریں۔
اس کے علاوہ پنجاب حکومت نے پہلے سے بند اسکولوں کی بندش کی مدت میں بھی 3 ستمبر تک توسیع کردی ہے تاکہ بچوں اور اسکول کے عملے کی حفاظت کو برقرار رکھا جاسکے۔
حکومت امدادی کاموں میں تیزی لا رہی ہے۔
پنجاب حکومت نے ریاست کے سیلاب سے متاثرہ علاقوں میں راحت اور بچاو¿ کے کام کو تیز کر دیا ہے۔ انتظامیہ وہاں پھنسے لوگوں کو محفوظ مقامات پر پہنچانے کے لیے مسلسل کام کر رہی ہے۔ اس کے علاوہ ڈیزاسٹر مینجمنٹ ٹیم اور فوج کی مدد سے متاثرہ علاقوں میں پھنسے لوگوں کو نکالا جا رہا ہے۔